(ສພຊ) ໃນຕອນເຊົ້າຂອງວັນພຸດທີ 5 ເມສາ 2023 ທີ່ສະພາແຫ່ງຊາດ ໄດ້ມີການຈັດພິທີ ມອບ-ຮັບເຄື່ອງຊ່ວຍເຫລືອປະເພດຢາທາປົວພະຍາດ ແລະ ຄຮິມ ລະຫວ່າງເລຂາທິການສະພາແຫ່ງຊາດ ແລະ ຫ້ອງການຄະນະພົວພັນຕ່າງປະເທດສູນກາງພັກຂຶ້ນ ໂດຍການຕ່າງໜ້າກ່າວຮັບຂອງທ່ານ ນາງ ປິ່ງຄໍາ ລາຊະສິມມາ ເລຂາທິການສະພາແຫ່ງຊາດ ແລະ ກ່າວມອບໂດຍ ທ່ານ ຄໍາສວຍແກ້ວ ດາລາວົງ ປະທານສະມາຄົມມິດຕະພາບ ລາວ-ສ.ເກົາຫຼີ, ມີບັນດາທ່ານຄະນະຕາງໜ້າຈາກສອງພາກສ່ວນເຂົ້າຮ່ວມເປັນສັກຂີພິຍານ.
ເຄື່ອງຊ່ວຍເຫລືອທີ່ນໍາມາອບໃນຄັງນີ້ ປະກອບມີປະເພດຢາທາປົວພະຍາດ Nafri Cream 18 ແກັດ, Vanazole Cream 18 ແກັດ ແລະ Asiclover Cream 18 ແກັດ ລວມທັງໝົດ 54 ແກັດ ມູນຄ່າລວມ 240 ລ້ານກີບ ເຄື່ອງດັ່ງກ່າວ ແມ່ນໄດ້ຮັບການຊ່ວຍເຫລືອຈາກສະມາຄົມມິດຕະພາບ ສ.ເກົາຫຼີ-ລາວ ໃຫ້ແກ່ສະມາຊິກສະພາແຫ່ງຊາດ ເພື່ອນໍາເອົາໄປແຢກຢາຍໃຫ້ແກ່ພໍ່ແມ່ປະຊາຊົນ ແລະ ບັນດາສຸກສາລາເຂດຫ່າງໄກສອກຫຼີກ.
(ພາບ ແລະ ຂ່າວ: ສອນສັກ ວັນວິໄຊ)