ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອສະຫຼຸບຕີລາຄາການເຄື່ອນໄຫວວຽກງານກວດກາ ປະຈຳປີ 2021 ແລະ ທິດທາງແຜນການ ປະຈຳປີ 2022 ຂອງຄະນະກວດກາພັກ-ລັດສະພາແຫ່ງຊາດ; ເພື່ອເປັນການເຜີຍແຜ່, ເຊື່ອມຊຶມ ເນື້ອໃນຈິດໃຈ ແລະ ຜົນສຳ ເລັດຂອງກອງປະຊຸມວຽກງານກວດກາທົ່ວປະເທດ ຄັ້ງທີ IV ປະຈຳປີ 2021 ແລະ ເພື່ອເຮັດໃຫ້ຄະນະພັກຮາກຖານ, ຄະ ນະໜ່ວຍພັກ, ສະມາຊິກພັກ ພາຍໃນສະພາແຫ່ງຊາດ ໄດ້ມີຄວາມຮັບຮູ້ ແລະ ເຂົ້າໃຈ, ກຳແໜ້ນເນື້ອໃນວຽກງານກວດ ກາ ເພື່ອຫັນມາເປັນແຜນວຽກຂອງຕົນ ແລະ ຈັດຕັ້ງປະຕິບັດວຽກງານຕົວຈິງໃນແຕ່ລະໄລຍະ ແນໃສ່ເຮັດວຽກງານກວດ ກາ ມີບາດກ້າວຫັນປ່ຽນຢ່າງຈະແຈ້ງ. ໃນວັນທີ 2 ກັນຍາ 2022 ທີ່ສະພາແຫ່ງຊາດ ໄດ້ມີກອງປະຊຸມສະຫຼຸບຕີລາຄາການປະຕິບັດວຽກງານກວດກາ ປະຈຳປີ 2021 ແລະ ເຜີຍແຜ່ຜົນສຳເລັດກອງປະຊຸມວຽກງານກວດກາທົ່ວປະເທດ ໂດຍການເປັນປະທານກອງປະຊຸມຂອງສະຫາຍ ຄຳໃບ ດຳລັດ ກຳມະການສູນກາງພັກ, ຄະນະປະຈຳພັກ, ປະທານກວດກາພັກສະພາແຫ່ງຊາດ, ຮອງປະທານສະພາແຫ່ງຊາດ; ໂດຍການເຂົ້າຮ່ວມຂອງສະຫາຍ ປອ. ໄຊສົມພອນ ພົມວິຫານ ກຳມະ ການກົມການເມືອງສູນກາງພັກ, ເລຂາຄະນະບໍລິຫານງານພັກສະພາແຫ່ງຊາດ, ປະທານສະພາແຫ່ງຊາດ ແລະ ມີບັນດາສະຫາຍຕາງໜ້າຈາກຄະນະກວດກາສູນ ກາງພັກ, ຄະນະກວດກາພັກສະພາແຫ່ງຊາດ, ຄະນະພັກ, ຄະນະໜ່ວຍພັກ, ຄະ ນະກົມ, ສູນ, ຫ້ອງການ ແລະ ຕາງໜ້າຈາກອົງການຈັດຕັ້ງມະຫາຊົນພາຍໃນສະພາແຫ່ງຊາດ ເຂົ້າຮ່ວມ. 
ກອງປະຊຸມ ໄດ້ຮັບຟັງການຜ່ານບົດສະຫຼຸບການເຄື່ອນໄຫວວຽກງານກວດກາ ປະຈຳປີ 2021 ແລະ ທິດ ທາງແຜນການເຄື່ອນໄຫວວຽກງານ ປີ 2022 ຂອງຄະນະກວດກາພັກສະພາແຫ່ງຊາດ ແລະ ເຜີຍແຜ່ບົດສະ ຫຼຸບ-ຕີລາຄາການເຄື່ອນໄຫວວຽກງານກວດກາ ແຕ່ປີ 2016 ເຖິງປັດຈຸບັນ ແລະ ບາງເນື້ອໃນຕົ້ນຕໍ ສຳລັບການເຄື່ອນໄຫວ ແຕ່ນີ້ ຮອດປີ 2026 ຂອງຄະນະກວດກາພັກ-ລັດສະພາແຫ່ງຊາດ.
ໃນໂອກາດນີ້, ສະຫາຍ ປອ. ໄຊສົມພອນ ພົມວິຫານ ໄດ້ມີຄຳເຫັນໂອ້ລົມວ່າ: ຜ່ານການຮັບຟັງລາຍງານຈາກຄະນະກວດກາພັກສະພາແຫ່ງຊາດ ການປະກອບຄຳເຫັນຂອງບັນດາສະຫາຍຜູ້ແທນກອງປະຊຸມຈຳນວນໜຶ່ງ ຂໍສະແດງຄວາມຍ້ອງຍໍຊົມເຊີຍມາຍັງຄະນະກວດກາພັກສະພາແຫ່ງຊາດ ທີ່ໄດ້ເອົາໃຈໃສ່ຈັດຕັ້ງຜັນຂະຫຍາຍທິດທາງແຜນການວຽກງານກວດກາຂອງຄະນະພັກສະພາແຫ່ງຊາດ ວາງອອກເປັນອັນລະອຽດ ເຂົ້າໃນການຈັດຕັ້ງປະຕິບັດຕາມພາລະບົດ ບາດຂອງຕົນ ເພື່ອເຮັດໃຫ້ວຽກ ງານກວດກາພັກ-ກວດກາລັດ ແລະ ວຽກງານຕ້ານການສໍ້ລາດບັງຫຼວງ ຢູ່ພາຍໃນສະພາແຫ່ງຊາດ ໄດ້ຮັບການຈັດຕັ້ງປະຕິບັດເປັນປົກກະຕິຕໍ່ເນື່ອງ ແລະ ມີຜົນສໍາເລັດດີຂຶ້ນເທື່ອລະກ້າວ ສິ່ງທີ່ຢັ້ງຢືນຜົນການກວດກາ ແມ່ນໄດ້ມີການປັບປຸງແບບແຜນການນຳພາຂອງພັກ-ລັດ ຢູ່ພາຍໃນສະພາແຫ່ງຊາດ, ສະຕິຕໍ່ການຈັດຕັ້ງ ສະມາ ຊິກພັກ, ພະ ນັກງານ-ລັດຖະກອນ ສູງຂຶ້ນ, ຜ່ານບັ້ນດໍາເນີນຊີວິດການເມືອງປະຈໍາປີ 2021 ກໍເຫັນວ່າ: ການຈັດປະເພດສະມາ ຊິກພັກ ແລະ ການປະເມີນການປະຕິບັດໜ້າທີ່ວຽກງານຂອງພະນັກງານ-ລັດຖະກອນ ພາຍໃນສະພາແຫ່ງຊາດ ສະ ມາຊິກພັກຈຳນວນຫຼາຍຈັດຢູ່ໃນປະເພດແຂງ, ປອດໃສ, ເຂັ້ມແຂງ, ໜັກແໜ້ນ ແລະ ພະນັກງານ-ລັດຖະກອນ ກໍແມ່ນປະເພດດີເປັນສ່ວນຫຼາຍ, ການແຈ້ງຊັບສິນ-ລາຍຮັບ ຮອບ III ຂອງພະນັກງານ-ລັດຖະກອນ ພາຍໃນສະພາແຫ່ງຊາດ ບັນລຸຕາມຄາດໝາຍທີ່ວາງໄວ້.
ໃນຕອນທ້າຍ, ສະຫາຍ ຄຳໃບ ດຳລັດ ໄດ້ກ່າວວ່າ: ກອງປະຊຸມ ໄດ້ສຳເລັດຕາມຈຸດປະສົງລະດັບຄາດໝາຍທີ່ວາງໄວ້ ຕະຫຼອດໄລຍະຂອງການດໍາເນີນກອງປະຊຸມບັນ ດາຜູ້ແທນທີ່ເຂົ້າຮ່ວມກອງປະຊຸມ ໄດ້ພ້ອມກັນສຸມສະຕິປັນຍາເຂົ້າໃນການຄົ້ນຄວ້າປະກອບຄໍາເຫັນ ຕໍ່ການເຄື່ອນ ໄຫວປະຕິບັດໜ້າທີ່ວຽກງານ ຂອງຄະນະກວດກາພັກສະພາແຫ່ງຊາດ ຢ່າງກົງໄປກົງມາ, ເລິກເຊິ່ງ ແລະ ດ້ວຍຄວາມຮັບຜິດຊອບສູງ ເຫັນວ່າໃນຕະຫຼອດໄລຍະ 1 ປີຜ່ານມາ ຄະນະກວດກາພັກ-ລັດ ສະພາແຫ່ງຊາດ ໄດ້ເອົາໃຈໃສ່ຈັດຕັ້ງຜັນຂະຫຍາຍເນື້ອໃນຈິດໃຈ ຂອງແຜນການເຄື່ອນໄຫວວຽກງານຂອງຄະ ນະກວດກາສູນກາງພັກ, ອົງການກວດກາແຫ່ງລັດ ແລະ ຄະນະພັກສະພາແຫ່ງຊາດ ເປັນແຜນການເຄື່ອນໄຫວຂອງຕົນ ດ້ວຍການຫັນເປັນກິດຈະກຳ, ໜ້າວຽກຕ່າງໆ ໃນຂອບເຂດຄວາມຮັບຜິດຊອບຂອງຕົນ ແລະ ສູ້ຊົນຈັດຕັ້ງປະຕິບັດໄດ້ຮັບຜົນສໍາເລັດຕາມຄາດໝາຍທີ່ວາງໄວ້; ພ້ອມນັ້ນ, ກໍໄດ້ປະກອບຄໍາເຫັນຕໍ່ບົດສະຫຼຸບໃນຂອບເຂດວຽກງານກວດກາພັກ, ກວດກາລັດ ແລະ ວຽກງານການຕ້ານການສໍ້ລາດບັງຫຼວງ ຢ່າງກົງໄປກົງມາ ເປັນການປະກອບໃນການເຊີດຊູບົດ ບາດຂອງສະພາແຫ່ງຊາດ ໃຫ້ນັບມື້ກວ້າງຂວາງ ແລະ ສູງຂຶ້ນ ເຊິ່ງຜົນສຳເລັດຂອງກອງປະຊຸມຄັ້ງນີ້ ແມ່ນໝາກຜົນຂອງຄວາມເອົາໃຈໃສ່ຊີ້ນຳ-ນຳພາ ຢ່າງໃກ້ຊິດຂອງຄະນະພັກສະພາແຫ່ງຊາດ, ຄວາມເອົາໃຈໃສ່ຊີ້ນຳຂອງຄະນະກວດກາສູນກາງພັກ ແລະ ອົງການກວດກາແຫ່ງລັດ ດ້ວຍຄວາມສາມັກຄີເປັນເອກະພາບ, ການປະສານສົມທົບຢ່າງກົມກຽວ ຂອງບັນດາຮາກຖານພັກ ແລະ ອົງການຈັດຕັ້ງມະຫາຊົນ ພາຍໃນສະພາແຫ່ງຊາດ.
(ຂ່າວ: ນາງ ສຸພາວັນ ຫອມສະນິດ, ພາບ: ນາງ ກຸກກິກ ບຸດດາໄຊ)