ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 4 ກັນຍາ 2022, ຢູ່ທີ່ຫ້ອງວ່າການແຂວງທ່ານ ດຣ ຄໍາຈັນ ໂສຕາປະເສີດ ກໍາມະການຄະນະປະຈໍາ-ປະທານກໍາມາທິການບັນດາເຜົ່່າ ສະພາແຫ່ງຊາດ, ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 4 ແຂວງອຸດົມໄຊ ພ້ອມດ້ວຍພັນລະຍາ ແລະ ຄະນະ ໄດ້ໄດ້ຕາງໜ້າຄະນະປະຈໍາສະພາແຫ່ງຊາດ ເຄື່ອນໄຫວມອບເຄື່ອງຊ່ວຍເຫຼືອບັນເທົາທຸກ ໃຫ້ສະພາປະຊາຊົນແຂວງ ແລະ ຄະນະຄຸ້ມຄອງໄພພິບັດຂັ້ນແຂວງ, ຕາງໜ້າຮັບໂດຍທ່ານ ຄໍາດີ ວົງລ້ອມ ຮອງເລຂາພັກແຂວງ, ປະທານ ສພຂ ແລະ ທ່ານ ສົມຈິດ ປັນຍາສັກ ຮອງເຈົ້າແຂວງ ມີບັນດາທ່ານຮອງປະທານ ສພຂ, ບັນດາທ່ານໃນຄະນະຄຸ້ມຄອງໄພພິບັດຂັ້ນແຂວງ ເຂົ້າຮ່ວມ.
 
ເຄື່ອງທີ່ນໍາມາມອບໃນຄັ້ງນີ້ປະກອບມີ: ເຂົ້າສານ, ເຄື່ອງນຸ່ງຫົ່ມ, ເຄື່ອງອຸປະໂພກ-ບໍລິໂພກ ແລະ ເຄື່ອງໃຊ້ຄົວເຮືອນທີ່ຈໍາເປັນຈໍານວນໜຶ່ງ ຈາກສະພາແຫ່ງຊາດ ລວມມູນຄາ 297,800,000 ແລະ ເງິນສົດ 20.000.000 ກີບ, ຈາກກອງທຶນຊ່ວຍເຫຼືອສັງຄົມ ສະພາແຫ່ງຊາດ 12.250.000 ກີບ ແລະ ຈາກຈິດອາສາຊ່ວຍເຫຼືອເຊິງກັນ ແລະ ກັນ ລວມມູນຄາຈໍານວນ 200 ລ້ານກີບ. ເພື່ອຊ່ວຍບັນເທົາທຸກ ແລະ ນໍາໄປມອບໃຫ້ແກ່ປະຊາຊົນ ທີ່ປະສົບໄພພິບັດນໍ້ຖ້ວມ ຢູ່ແຂວງອຸດົມໄຊ.
ພ້ອມດຽວກັນນັ້ນ, ພັນລະຍາຂອງທ່ານ ດຣ ຄໍາຈັນ ໂສຕາປະເສີດ ກໍາມະການຄະນະປະຈໍາ-ປະທານກໍາມາທິການບັນດາເຜົ່່າ ສະພາແຫ່ງຊາດ ຍັງໄດ້ລົງເຄື່ອນໄຫວມອບເຄື່ອງໃຫ້ປະຊາຊົນ ທີ່ຖືກຜົນກະທົບຕື່ມອີກ.
ພາບ/ຂ່າວ: ແສງພອນ ອິນນະລົງ.