ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

          ຕອນເຊົ້າ ວັນທີ 12 ສິງຫາ 2022 ຜ່ານມານີ້, ສະພາປະຊາຊົນແຂວງ ຮ່ວມກັບ ແນວລາວສ້າງຊາດ ແລະ ຄະນະໂຄສະນາອົບຮົມແຂວງໄດ້ຈັດພິທີສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 72 ປີ, ວັນຍຶດອຳນາດທົ່ວປະເທດ ຄົບຮອບ 47 ປີ ແລະ ວັນປະກາດໃຊ້ລັດຖະທຳມະນູນ ແຫ່ງຊາດ ຄົບຮອບ 31 ປີ ຂຶ້ນຢູ່ຫໍວັດທະນະທຳແຂວງ ພາຍໃຕ້ການເປັນປະທານ ແລະ ເປັນກຽດປາຖະກະຖາໂດຍທ່ານ ເພີດ ມາປັນຍາ ຮອງເລຂາພັກແຂວງ, ຜູ້ຊີ້ນຳວຽກງານແນວຄິດທິດສະດີຂັ້ນແຂວງ, ມີບັນດາທ່ານການນຳແຂວງ, ການນຳສະພາປະຊາຊົນແຂວງ, ການນຳເມືອງ, ນັກປະຕິວັດອາວຸໂສ, ຕະຫຼອດຮອດພະນັກງານ-ລັດຖະກອນ, ທະຫານ, ຕຳຫຼວດ ແລະ ປະຊາຊົນອ້ອມຂ້າງແຂວງເຂົ້າຮ່ວມ.
              ການປາຖະກະຖາຄັ້ງນີ້ ທ່ານ ເພີດ ມາປັນຍາ ຮອງເລຂາພັກແຂວງ, ຜູ້ຊີ້ນຳວຽກງານແນວຄິດທິດສະດີຂັ້ນແຂວງໄດ້ຍົກໃຫ້ເຫັນເຖິງຄວາມໝາຍຄວາມສຳຄັນ, ປະຫວັດຄວາມເປັນມາ ແລະ ການເຕີບໃຫຍ່ຂະຫຍາຍຕົວຂອງ 3 ວັນປະຫວັດສາດດັ່ງກ່າວ. ເຊີ່ງເປັນແວ່ນແຍງໃຫ້ແກ່ທົ່ວພັກ, ທົ່ວລັດ, ທົ່ວກໍາລັງປະກອບອາວຸດ ແລະ ທົ່ວປວງຊົນລາວທັງຊາດ ໄດ້ຮ່ວມແຮງຮ່ວມໃຈ ແລະ ສາມັກຄີກັນເປັນປຶກແຜ່ນແຫນ້ນຫນາ, ສູ້ຊົນບຸກບືນເຂົ້າຮ່ວມຢ່າງພ້ອມພຽງ ໃນການເຄົາລົບ ແລະ ປະຕິບັດລັດຖະທໍາມະນູນ ແຫ່ງ ສປປ ລາວ, ສ້າງຜົນງານອັນພົ້ນເດັ່ນໃຫຍ່ຫຼວງຫຼາຍດ້ານໃນພາລະກິດປົກປັກຮັກສາ ແລະ ສ້າງສາປະເທດຊາດ….
ຂ່າວ: ໄອແກ້ວ
ພາບ: ເວີນ