ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ເນຶ່ອງໃນໂອກາດວັນຄົບ ຮອບວັນເກີດຂອງທ່ານປະທານ ໂຮ່ຈິມິນ ທີ່ໝູນວຽນມາບັນຈົບຄົບ ຮອບອີກວາລະໜຶ່ງ, ດັ່ງນັ້ນ, ມາ ໃນຕອນເຊົ້າຂອງວັນທີ 19 ພຶດ ສະພາ 2022 ນີ້ການນຳຂອງ ແຂວງ, ທ່ານ ກົງສູນໃຫຍ່ ສສ ຫວຽດນາມ ປະຈຳແຂວງ, ການ ນຳນະຄອນໄກສອນພົມວິຫານ ແລະພະແນກການຕ່າງໆ ອ້ອມ ຂ້າງແຂວງ, ໄດ້ຈັດຕັ້ງການວາງ ກະຕ່າດອກໄມ້ ແລະດອກໄມ້ ສົດທີ່ຫອມຫວນ ຢູ່ສິ່ງທີ່ເປັນອະ ນຸສອນ ປະທານ ໂຮ່ຈິມິນ ເນຶ່ອງ ໃນໂອກາດວັນຄ້າຍວັນເກີດຂອງ ທ່ານຄື: ວັນທີ 19 ພຶດສະພາ 1890-19 ພຶດສະພາ 2022, ຄົບຮອບ 132 ປີໂດຍມີພາກສ່ວນ ການນຳຂອງແຂວງນຳ ໂດຍທ່ານ ກົງແກ້ວ ມີວໍລະຈັກ ຮອງເລຂາ ພັກແຂວງ, ປະທານສະມາຊິກ ສະພາແຫ່ງຊາດເຂດ ເລືອກຕັ້ງ ທີ 13, ປະທານສະພາປະຊາຊົນ ແຂວງ, ມີທ່ານ ກົງສູນໃຫຍ່ ແຫ່ງ ສສ ຫວຽດນາມ ປະຈຳ ແຂວງ, ມີຄະນະພັກ-ຄະນະບັນຊາ ກອງບັນຊາການທະຫານແຂວງ, ຄະນະພັກຄະນະບັນຊາກອງບັນ ຊາການ ປກສ ແຂວງ, ມີກຸ່ມພັກ ພະນັກງານ, ກຸ່ມເສດຖະກິດ, ກຸ່ມ ວັດທະນະທຳ-ສັງຄົມ, ອົງການ ຈັດຕັ້ງມະຫາຊົນເຂົ້າຮ່ວມ.
ທັງນີ້ກໍ່ເພື່ອສະແດງຄວາມ ເຄົາລົບຮັກ, ຄວາມກະຕັນຍູຮູ້ບຸນ ຄຸນ, ສັນລະເສີນເຖິງຄຸນງາມ ຄວາມດີ ແລະຜົນງານອັນໃຫຍ່ ຫຼວງຂອງທ່ານທີ່ໄດ້ອຸທິດຕະ ຫຼອດຊີວິດເພື່ອປະເທດຊາດ ແລະ ການປະຕິວັດ, ທ່ານ ໂຮ່ຈິມິນ ເປັນຜູ້ນຳເອົາແນວຄິດ ແລະທວນ ໄຟປະຕິວັດທີ່ຍິ່ງໃຫຍ່ຂອງ ຫວຽດນາມ ແລະຂອງໂລກ, ທ່ານເປັນນັກຮົບປະຕິວັດຜູ້ດີ ເລີດຂອງຂະບວນການຄອມມູນິດ ແລະກຳມະກອນສາກົນໃນເວລາ ທີ່ມີຄວາມໝາຍປະຫວັດສາດ ເຊິ່ງທ່ານກໍ່ເປັນໜຶ່ງໃນບັນດາຜູ້ ນຳຮຸ່ນທຳອິດທີ່ໄດ້ຮ່ວມຂະບວນ ການປະຕິວັດ, ສ້າງຕັ້ງພັກ ແລະ ສ້າງຕັ້ງລະບອບໃໝ່, ຕະຫຼອດ ຊີວິດເພິ່ນໄດ້ເສຍສະຫຼະ ແລະອຸທິດ ຕົນຕໍ່ພາລະກິດຕໍ່ສູ້ກູ້ຊາດ, ປົກປັກ ຮັກສາ ແລະສ້າງສາປະເທດຊາດ ໃຫ້ຈະເລີນກ້າວໜ້າ.
ແບບຢ່າງ ແລະຄຸນສົມບັດສິນ ທຳດັ່ງກ່າວ ແມ່ນໄດ້ເປັນແວ່ນ ແຍງອັນໃສແຈ້ງສຳລັບພະນັກ ງານ, ສະມາຊິກພັກ, ນັກຮົບ ແລະປະຊາຊົນ, ພວກເຮົາ ຈົ່ງຮໍ່າ ຮຽນເອົາ ແລະນຳໄປປະຕິບັດ, ຖືອັນນັ້ນເປັນມາດຖານວັດແທກ ດ້ານຄຸນສົມບັດທັດສະນະທ່າທີ ຂອງພະນັກງານເຮົາ ແລະພວກ ເຮົາຈົ່ງພ້ອມກັນກ້າວຂຶ້ນສືບທອດ ແລະເສີມຂະຫຍາຍພາລະກິດປະ ຕິວັດຂອງຊາດ ກໍ່ຄືຂອງພັກປະ ຊາຊົນປະຕິວັດລາວໃຫ້ຍືນຍົງຕະ ຫຼອດໄປ./.