ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ18 ພຶດສະພາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງໄດ້ເປີດກອງປະຊຸມທາບທາມຮ່າງກົດໝາຍ 5 ສະບັບທີສະພາແຫ່ງຊາດສົ່ງໃຫ້ ໂດຍການ​ໃຫ້ກຽດປະທານຂອງ ທ່ານ ບຸນໂຮມ ເທດທານີ ປະທານສະພາປະຊາຊົນແຂວງ, ມີຄະນະປະຈໍາສະພາປະຊາຊົນແຂວງ, ປະທານ-ຮອງປະທານຄະນະກໍາມະການ, ຫົວໜ້າ-ຮອງຫົວໜ້າພະແນກ, ກົມກອງອ້ອມ ຂ້າງແຂວງ, ສະພາການຄ້າແລະອຸດສາຫະກໍາປະຈໍາແຂວງ, ຄະນະເລຂາທິການ, ຫົວໜ້າ-ຮອງຫົວໜ້າຂະແໜງ ແລະພະນັກ   ງານ ສະພາປະຊາຊົນແຂວງເຂົ້າຮ່ວມ. 

ເພື່ອຮັບປະກັນໃຫ້ເນື້ອໃນຂອງຮ່າງກົດໝາຍ 5 ສະບັບທີ່ຈະນໍາເຂົ້າພິຈາລະນາຮັບຮອງເອົາໃນກອງປະຊຸມສະໄໝ ສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ​​ໃຫ້ມີເນື້ອໃນຄົບຖ້ວນ, ຮັດກຸມ ແລະ ສອດຄ່ອງກັບສະພາບການ ຂະຫຍາຍ ຕົວຂອງເສດຖະກິດ-ສັງຄົມ. ຮ່າງກົດໝາຍ 5 ສະບັບທີ່ນໍາມາທາບທາມໃນຄັ້ງນີ້ມີ: ຮ່າງກົດໝາຍວ່າດ້ວຍການປັບປຸງບາງ ມາດຕາຂອງກົດໝາຍວ່າດ້ວຍສານປະຊາຊົນ, ຮ່າງກົດໝາຍວ່າການປັບປຸງບາງມາດຕາ ຂອງກົດໝາຍວ່າດ້ວຍນໍ້າ ແລະ ຊັບພະຍາກອນນໍ້າ, ຮ່າງກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ), ຮ່າງກົດໝາຍວ່າດ້ວຍການຄຸ້ມ ຄອງອາວຸດ ແລະ ວັດຖຸລະເບີດ, ຮ່າງກົດໝາຍວ່າດ້ວຍການສົ່ງເສີມຈຸນລະວິສາຫະກິດ, ວິສາຫະກິດຂະໜາດໜ້ອຍ ແລະກາງ (ສະບັບປັບປຸງ).ໃນໂອກາດດັ່ງກ່າວບັນດາຜູ້ແທນກອງປະຊຸມໄດ້ສຸມສະຕິປັນຍາຢ່າງສູງ ​ເພື່ອ​ປະກອບ​ຄໍາ​ຄິດ, ຄໍາ​ເຫັນແລກ ປ່ຽນເຮັດໃຫ້ຮ່າງກົດໝາຍ 5 ສະບັບດັ່ງກ່າວມີເນື້ອໃນຄົບຖ້ວນ ແລະ ແທດເໝາະກັບສະພາບກັບການຈັດຕັ້ງປະຕິ ບັດ ວຽກງານຕົວຈິງ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງສຸກສະຫວັນ ອິນທະແສງ