ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 1 ກັນຍາ 2022, ທ່ານ ຄໍາເຜີຍ ງອນວັນ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ, ສະມາຊິກສະພາປະຊາຊົນປະຈໍາເຂດເລືອກຕັ້ງເມືອງນາໝໍ້, ມີຄະນະປະຈໍາສະພາປະຊາຊົນແຂວງ, ບັນດາທ່ານສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງນາໝໍ້ ພ້ອມດ້ວຍຄະນະ ໄດ້ລົງມອບເຄື່ອງຊ່ວຍເຫຼືອ ໃຫ້ແກ່ປະຊາຊົນຜູ້ປະສົບໄພພິບັດນໍ້າຖ້ວມຢູ່ເມືອງນາໝໍ້. ເຄື່ອງທີ່ມາມອບໃນຄັ້ງນີ້ ແມ່ນໄດ້ຈາກການລະດົມຂອງສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 4 ແຂວງອຸດົມໄຊ, ສະມາຊິກສະພາປະຊາຊົນ ແລະ ພະນັກງານສະພາປະຊົນແຂວງ. ເພື່ອບັນເທົາທຸກ, ແກ້ໄຂອັນຈຳເປັນທີ່ສຸດ ໃຫ້ຄອບຄົວທີ່ຖືກຜົນກະທົບຮ້າຍແຮງກວ່າໝູ່ ມີ ບ້ານປາງດູ, ບ້ານນໍ້າແຊ ແລະ ບ້ານຫ້ວຍອອນ.
ເຄື່ອງທີ່ໄດ້ມອບໃນຄັ້ງນີ້ ປະກອບມີ: ເຂົ້າສານ, ໝີ່, ປ໋ອງປາ, ເກືອ-ແປ້ງນົວ, ແຟັບສະບູ, ຢາຖູແຂ້ວ ແລະ ອື່ນໆ ລວມມູນຄ່າທັງໝົດ 13.420.000 ກີບ ແລະ ຍັງຈະສືບຕໍ່ມອບໃຫ້ປະຊາຊົນທີ່ຖືກໄພພິບັດນໍ້າຖ້ວມຢູ່ບັນດາບ້ານນໍ້າແຊຕອນໃຕ້ ແລະ ບ້ານອື່ນໆອີກຕໍ່ໄປ.
ພາບ/ຂ່າວ: ສພຂ