ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 06 ເມສາ 2022 ນີ້ ສະພາປະຊາຊົນແຂວງຫຼວງນໍ້້າທາໄດ້ເຂົ້າຮ່ວມກອງປະຊຸມການແກ້ໄຂບັນຫາເສດຖະກິດ-ສັງຄົມແລະວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດການເງິນໃນສະພາບການແພ່ລະບາດພະຍາດໂຄວິດ19 ດ້ວຍລະບົບທາງໄກ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ຜູ້ຊີ້ນໍາວຽກງານເສດຖະກິດ ,ໂດຍມີ ທ່ານຄໍາຟອງ ອິນມານີ  ປະທານສະພາປະຊາຊົນແຂວງ ພ້ອມດ້ວຍຄະນະ ແລະ ພະນັກງານທີ່ກ່ຽວຂ້ອງໃນສະພາປະຊາຊົນແຂວງ,ມີບັນດາທ່ານ ຫົວໜ້າ,ຮອງຫົວໜ້າ,ພະນັກງານຈາກກະຊວງແຜນການລົງທືນ,ການເງິນ,ອຸດສາຫະກໍາ-ການຄ້າ,ຊັບພະຍາກອນທໍາມະຊາດ ແລະ ສິງ ແວດລ້ອມ,ພະລັງງານແລະບໍ່ແຮ່,ກະສິກໍາແລະປ່າໄມ້,ຜູ້ຕາງໜ້າອົງການພັດທະນາສະຫະປະຊາຊາດ ຫຼື່ UNDP, ອົງການອາ ຫານ ແລະ ການກະເສດ ຫຼື FAO ,ທະນາຄານໂລກ ຫຼື WAO ເຂົ້າຮ່ວມຢ່າງພ້ອມພຽງ

ໃນວາລະປະຊຸມ ບັນດາກະຊວງຂະແໜງການທີກຽ່ວຂ້ອງໄດ້ຂື້ນລາຍງານສະພາບການຈັດຕັ້ງປະຕິບັດວຽກງານຂອງຕົນ ແລະ ມີຄໍາເຫັນແລກປຽ່ນແນວທາງ,ວິທີການແກ້ໄຂບັນຫາເສດຖະກິດ-ສັງຄົມ ເພື່ອຖອດຖອນບົດຮຽນ ເຊັ່ນ ການຊຸກຍູ້ພັດທະນາທຸລະກິດຂະໜາດນ້ອຍ,ຂະໜາດກາງ,ເຂົ້າສູ່ລະບົບດີຈີຕອນ,ການສົ່ງເສີມຜະລິດທົດແທນການນໍາເຂົ້າ ແລະ ກາຍເປັນສິນຄ້າສົ່ງອອກ,ການຜະລິດປຸງແຕ່ງສິນຄ້າ,ການຕະຫຼາດຮອງຮັບ,ຄວາມໝັ້ນຄົງດ້ານສະບຽງອາຫານ,ຜະລິດສິນຄ້າກະສິກໍາ,ປົກປັກຮັກສາປ່າໄມ້,ພັດທະນາຊົນນະບົດ,ລືບລ້າງຄວາມທູກຍາກ,ຫຼຸດຜອ່ນການນໍາເຂົ້າກະແສໄຟຟ້າຕາ່ງປະເທດ,ຫຼຸດຜອ່ນການຈ່າຍເງິນຕາຕ່າງປະເທດ,ການປັບປຸງກົດໝາຍ,ນິຕິກໍາໃຕ້ກົດໝາຍແຮ່ທາດ,ຊັບພະຍາກອນທໍາມະຊາດ,ການຈໍາກັດຮົ່ວໄຫຼງົບປະມານ,ແຜນນໍາໃຊ້ພະລັງງານໄຟຟ້າ,ການຈັດສັນທີ່ດີນ,ການນໍາໃຊ້ດີນພາກລັດ,ການຂື້ນທະບຽນອອກໃບຕາດີນ,ຈົດທະບຽນຊັບສິນ,ການນໍາໃຊ້ລົດໄຟ,ຄ່າທໍານຽມຕ່າາໆ,ຫັນເປັນທັນສະໄໝ,ສະໜອງຂໍ້ມູນເພື່ອເກັບລາຍຮັບທີດີນຫັນລະບົບການສໍາລະຊື້ຂາຍດີນຜ່ານລະບົບທະນາຄານ,ການສະເໜີເປີດປະເທດເຕັມຮູບແບບຮ່ວມກັບພາກທຸລະກິດທີ່ເລີ່ມແຕ່ຕົ້ນເດືອນເມສາ2022ເປັນຕົ້ນໄປເພື່ອຂໍທິດຊີ້ນໍາຈາກລັດຖະບານ, ກອງປະຊຸມໄດ້ດໍາເນີນເປັນເວລາ1ວັນໄດ້ສໍາເລັດຕາມລະດັບຄາດໝາຍ

ພາບ ແລະ ຂ່າວ ນາງ ອາເມີງ ວີແຄລູ