ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນລະຫວ່າງວັນທີ 26-27 ພຶດສະພາ 2022 ສະພາປະຊາຊົນແຂວງລົງຕິດຕາມ, ຊຸກຍູ້ 2 ວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ​  ຢູ່​ບັນດາ​ພະ​ແນ​ການ, ກ​ົມກອງ​ອ້ອມ​ຂ້າງ​ແຂວງ ເຊິ່ງນໍາພາຄະນະໂດຍ ທ່ານ ບຸນໂຮມ ເທດທານີ ປະທານສະພາປະຊາຊົນແຂວງ ແລະ ທ່ານ ວຽງໄຊ ສີວິໄລ ຮອງປະທານສະພາປະຊາຊົນແຂວງພ້ອມດ້ວຍພະນັກງານສະພາປະຊາຊົນແຂວງ, ໃຫ້ກຽດເຂົ້າຮ່ວມມີຫົວໜ້າ-ຮອງຫົວໜ້າພະແນກ, ຫົວໜ້າ-ຮອງຫົວໜ້າກອງບັນຊາການ, ຫົວໜ້າ-ຮອງຫົວໜ້າຂະແໜງ ແລະ ພະນັກງານຂອງບັນດາພະແນການກົມກອງອ້ອມຂ້າງແຂວງເຂົ້າຮ່ວມ.

ເພື່ອຕິດຕາມຊຸກຍູ້ການຈັດຕັ້ງຜັນຂະຫຍາຍ 2 ວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດຢູ່ບັນດາພະແນກການ, ກົມກອງອ້ອມຂ້າງແຂວງໃຫ້ມີຜົນສໍາເລັດຕາມລະດັບຄາດໝາຍທີ່ວາງໄວ້. ​ໃນ​ການ​ລົງຕິດຕາມກວດກາໃນຄັ້ງນີ້​ໄດ້​ຮັບ​ຟັງ​ການ​ລາຍ​ງານ​ຂອງ​ບັນດາ​ພະ​ແນ​ກການ ກ່ຽວກັບ​ການທົບທວນຄືນການຈັດຕັ້ງປະຕິບັດຂໍ້ຕົກລົງວ່າດ້ວຍການແບ່ງຄວາມຮັບຜິດຊອບການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ, ຕາມຂໍ້ຕົກລົງວ່າດ້ວຍການແບ່ງຄວາມຮັບຜິດຊອບການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂບັນຫາຢາເສບຕິດຢູ່ແຂວງຊຽງຂວາງ ແລະ ຂໍ້ຕົກວ່າດ້ວຍຄວາມຮັບຜິດຊອບການຈັດຕັ້ງປະຕິບັດວ່າລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ,

ການຜັນຂະຫຍາຍໂຄສະໜາເຜີຍແຜ່ແຕ່ລະກົດໝາຍທີ່ຕິດພັນຂົງເຂດຂອງຕົນ, ການຈັດຕັ້ງປະຕິບັດກົດໝາຍ ແລະ ນິຕິກຳໃຕ້ກົດ  ໝາຍກ່ຽວກັບຂະແໜງການຂອງຕົນ. ໃນການລົງຕິດຕາມດັ່ງກ່າວບັນຜູ້ແທນທີ່ເຂົ້າຮ່ວມກອງປະຊຸມຂອງ​ບັນດາ​ພະ​ແນ​ກການ ກໍໄດ້ມີການແລກປ່ຽນຄໍາຄິດ, ຄໍາເຫັນເຊິ່ງກັນເພື່ອຮັບປະການການຈັດຕັ້ງປະຕິບັດ 2 ວາລະດັ່ງກ່າວໄດ້ຮັບຜົນສໍາເລັດ ແລະ ສາມາດແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດຢູ່ແຂວງຊຽງຂວາງໄດ້ຮັບຜົນສໍາເລັດຕາມລະດັບຄາດໝາຍທີ່ວາງໄວ.

ສະພາ​ປະຊາຊົນ​ແຂວງ​ຊຽງຂວາງ​

ຂ່າວ​​ໂດຍ: ນາງ ສຸກ​ສະຫວັນ ອິນທະ​​ແສງ