ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນຄໍ່າ ຂອງວັນທີ 28 ພຶດສະພາ 2022 ສະພາປະຊາຊົນແຂວງ ເຂົ້າຮ່ວມພິທີເປີດງານເທດສະການດື່ມນໍ້າຊາ ແລະ ອາຫານເຜົ່າ ຄັ້ງທີ II ປະຈໍາປີ 2022 ທີ່ເມືອງບຸນເໜືອ ແຂວງຜົ້ງສາລີ ນໍາພາໂດຍທ່ານ ສົມຈິດ ຫັບລະກອນ ຮອງປະທານສະພາປະຊາຊົນແຂວງ ພ້ອມດ້ວຍຄະນະນໍາ ແລະ ພະນັກງານ-ລັດຖະກອນ ສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ.

ພາຍຫຼັງທ່ານ ຄໍາຜອຍ ວັນນະສານ ເຈົ້າແຂວງໆຜົ້ງສາລີກ່າວເປີດພິທີຢ່າງເປັນທາງການ, ທ່ານ ສົມຈິດ ຫັບລະກອນ ພ້ອມດ້ວຍຄະນະນໍາ ແລະ ພະນັກງານ-ລັດຖະກອນ ໄດ້ທ່ຽວຊົມການວາງສະແດງ ແລະ ຈັດຈໍາໜາຍສິນຄ້າໂອດ໋ອບ ທີ່ເປັນທ່າແຮ່ງຂອງແຂວງຜົ້ງສາລີ ຕາມໂສນຕ່າງໆ ເປັນຕົ້ນ: ຜະລິດຕະພັນຊາ, ເຫຼົ້າຂຽວ, ຜ້າແຜ່, ເຄື່ອງຫັດຖະກໍາ ແລະ ອາຫານພື້ນເມືອງຂອງແຕ່ລະທ້ອງຖິ່ນ.

ພາບ-ຂ່າວ: ສູນທອງ ວິໄລຈິດ