ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

​ໃນ​ລະຫວ່າງ​ວັນ​ທີ 24 ສິງຫາ -7ກັນຍາ 2022 ນີ້ ຄະນະ​ສະມາຊິກ​ສະພາ​​ແຫ່ງ​ຊາດ ປະ​ຈໍາ​ເຂດ​ເລືອກ​ຕັ້ງ​ທີ 9 ​ແຂວງ​ຊຽງ​ຂວາງ ​ແລະ ສະພາ​ປະຊາຊົນ​ແຂວງ ​ໄດ້ລົງເຜີຍແຜ່ຜົນສໍາ​ເລັດ​ ກອງ​ປະຊຸມສະ​ໄໝສາມັນ ​ເທື່ອ​ທີ 3 ​ ຂອງ​ສະພາ​ແຫ່ງ​ຊາດ ຊຸດ​ທີ IX ແລະ ສະພາ​ປະຊາຊົນ ແຂວງຊຽງຂວາງ ຊຸດທີ II  ຢູ່​ພາຍ​ໃນ 4 ​ເມືອງ​ຄື:

  • ​ເມືອງ​ໜອງແຮດ ນໍາ​ໂດຍ​ທ່ານ ບຸນໂຮມ ເທດທານີ ປະທານສະພາປະຊາຊົນແຂວງ, ປະທານຄະນະສະມາຊິກ​ສະພາ​ແຫ່ງ​ຊາດ​ປະຈາ​ເຂດ​ເລືອກ​ຕັ້ງທີ 9, ມີ​ສະມາຊິກ​ສະພາ​ປະຊາຊົນ​ແຂວງປະ​ຈໍາ​ເມືອງ, ການ​ນໍາ​ຂອງ​ເມືອງ ແລະ ພະນັກງານ​ສະພາ​ປະຊາຊົນ​ແຂວງ ຕິດຕາມການ​ລົງ​ເຜີຍ​ແຜ່​ຜົນ​ສໍາ​ເລັດ​ໃນ​ຄັ້ງ​ນີ້ ສາມາດ​ລົງ​ເຖິງ 10 ຈຸດ, 10 ບ້ານ, ມີຜູ້ເຂົ້າຮ່ວມທັງໝົດ 406ຄົນ, ຍິງ 184 ຄົນ.
  • ເມືອງ​ພູ​ກູດ ນໍາ​ໂດຍ​ທ່ານ ວຽໄຊ ສີວິໄລ ຮອງປະທານສະພາປະຊາຊົນແຂວງ, ຮອງປະທານຄະນະສະມາຊິກ​ສະພາ​​ແຫ່ງ​ຊາດ​ປະ​ຈໍາ​ເຂດ​ເລືອກ​ຕັ້ງທີ 9 ​ແຂວງ​ຊຽງ​ຂວາງ, ມີ​ສະມາຊິກ​ສະພາ​ປະຊາຊົນ​ແຂວງ ປະ​ຈໍາ​ເມືອງ, ການ​ນໍາ​ຂອງ​ເມືອງ ​ແລະ ພະນັກງານ​ສະພາ​ປະຊາຊົນ​ແຂວງ ຕິດຕາມການ​ລົງ​ເຜີຍ​ແຜ່​ຜົນ​ສໍາ​ເລັດ​ໃນ​ຄັ້ງ​ນີ້ ສາມາດ​ລົງ​ເຖິງ 10 ຈຸດ, 10 ບ້ານ, ມີຜູ້ເຂົ້າຮ່ວມທັງໝົດ 651 ຄົນ, ຍິງ 417 ຄົນ .
  • ເມືອງ​ຄູນ ນໍາ​ໂດຍ​ທ່ານ ນາງ ສົມພອນ ໂສພິລາວັນ ຮອງປະທານສະພາປະຊາຊົນແຂວງ, ມີ​ສະມາຊິກ​ສະພາ​ປະຊາຊົນ​ແຂວງ ປະ​ຈໍາ​ເມືອງ, ການ​ນໍາ​ຂອງ​ເມືອງ ​ແລະ ພະນັກງານ​ສະພາ​ປະຊາຊົນ​ແຂວງ ຕິດຕາມການ​ລົງ​ເຜີຍ​ແຜ່​ຜົນ​ສໍາ​ເລັດ​ໃນ​ຄັ້ງ​ນີ້ ສາມາດ​ລົງ​ເຖິງ 10 ຈຸດ, 10 ບ້ານ, ມີຜູ້ເຂົ້າຮ່ວມທັງໝົດ 421 ຄົນ, ຍິງ 186 ຄົນ.
  • ເມືອງຜາໄຊ ນໍາ​ໂດຍ​ທ່ານ ​ ​ໄມ​ສີ ວຽງ​ວິ​ໄລ ປະທານຄະນະກໍາມະການເສດຖະກິດ, ແຜນການ ແລະ ການເງິນສະພາ ປະ ຊາຊົນແຂວງ, ສະມາຊິກ​ສະພາ​​ແຫ່ງ​ຊາດ​ປະ​ຈໍາ​ເຂດ​ເລືອກ​ຕັ້ງທີ 9 ​ແຂວງ​ຊຽງ​ຂວາງ, ມີ​ສະມາຊິກ​ສະພາ​ປະຊາຊົນ​ແຂວງ ປະ​ຈໍາ​ເມືອງ, ການ​ນໍາ​ຂອງ​ເມືອງ ​ແລະ ພະນັກງານ​ສະພາ​ປະຊາຊົນ​ແຂວງ ຕິດຕາມການ​ລົງ​ເຜີຍ​ແຜ່​ຜົນ​ສໍາ​ເລັດ​ໃນ​ຄັ້ງ​ນີ້ ສາມາດ​ລົງ​ເຖິງ 6 ຈຸດ, 6 ບ້ານ, ມີຜູ້ເຂົ້າຮ່ວມທັງໝົດ 310 ຄົນ, ຍິງ 120 ຄົນ .

ການລົງ​​ເຜີຍ​ແຜ່​ໃນ​​ຄັ້ງ​ນີ້​ໄດ້ນໍາ​ເອົາເນື້ອໃນສໍາຄັນທີ່ໄດ້ຮັບຮອງໃນກອງປະຊຸມສະ​ໄໝສາມັນ ​​ເທື່ອ​ທີ 3 ​ ຂອງ​ສະພາ​ແຫ່ງ​ຊາດ ຊຸດ​ທີ IX ແລະ ສະພາ​ປະຊາຊົນແຂວງຊຽງຂວາງ ຊຸດທີ II ​ໃຫ້ທົ່ວສັງຄົມຮັບຮູ້ຢ່າງກ້ວາງຂວາງ ​ແລະ ເປັນການຫັນລົງຮາກຖານເກັບກໍາຄໍາຄິດ ຄໍາເຫັນ ແລະ ຄໍາສະເໜີຕ່າງໆ ຂອງປະຊາຊົນບັນດາເຜົ່າ. ບັນດາເນື້ອໃນເອກະສານ ນໍາ​ເອົາ​​ໄປເຜີຍ​ແຜ່​ປະກອບ​ມີ: ຜົນສໍາ​ເລັດກອງປະຊຸມສະ​ໄໝສາມັນເທື່ອ​ທີ 3 ​ ຂອງ​ສະພາ​ແຫ່ງ​ຊາດ ຊຸດ​ທີ IX ແລະ ຜົນສໍາ ເລັດກອງປະຊຸມສະໄໝສາມັນ ເທື່ອທີ 3 ຂອງສະພາ​ປະຊາຊົນແຂວງ ຊຸດທີ II, ບາງມາດຕາຂອງລັດຖະທໍາມະນູນແຫ່ງ ສ ປປ ລາວ ສະບັບເລກທີ 63/ສພຊ, ວັນທີ 8 ທັນວາ 2015, ຄໍາສັ່ງຂອງແຂວງຊຽງຂວາງ ວ່າດ້ວຍການຫ້າມຈັບຈອງ, ບຸກລຸກ ແລະ ຊື້-ຂາຍສິດນໍາໃຊ້ທີ່ດິນບໍ່ຖືກຕ້ອງຢູ່ພາຍໃນແຂວງຊຽງຂວາງ ສະບັບເລກທີ 01/ຊຂ, ລົງວັນທີ 03 ກຸມພາ 2022 ແລະ ຄໍາສັ່ງຂອງແຂວງຊຽງຂວາງວ່າດ້ວຍການແກ້ໄຂການລັກລອບຂຸດົ້ນ ແລະ ປຸງແຕ່ງແຮ່ຄໍາໂດຍບໍ່ຖືກຕ້ອງຕາມກົດໝາຍ ຢູ່ແຂວງຊຽງຂວາງ

ໃນໂອກາດທີ່ລົງເຄື່ອນໄຫວໃນຄັ້ງນີ້ດ ສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ ໄດ້​ເກັບ​ກໍາ​ຄໍາ​ຄິດ​ ຄໍາ​ເ​ຫັນ, ຄໍາສະເໜີຂອງພະນັກງານ, ທະຫານ, ຕໍາຫຼວດ ​ແລະ ພໍ່​ແມ່ປະຊາຊົນບັນດາ​ເຜົ່າ ສະ​ເໜີຂໍ​ທຶນມາພັດທະນາພື້ນຖານໂຄງລ່າງເຊັ່ນ: ຂໍເສັ້ນທາງເຂົ້າບ້ານ, ນໍ້າລິນ, ສ້າງໂຮງຮຽນ, ຂໍໄຟຟ້າ, ແກ້ໄຂບັນຫາ ຢາເສບຕິດພາຍໃນບ້ານ, ປັບປຸງພຶ້ນທີ່ທໍາການຜະລິດ, ບັນຫາໄມ້ໃນປ່າສະຫງວນ ແລະ ອື່ນໆ. ບັນດາສະມາຊິກສະພາປະຊາຊົນ ແຂວງຊຽງຂວາງ ເໜັ້ນໜັກເຖິງ ພາລະບົດບາດ, ສິດ ແລະ ໜ້າທີ່ຂອງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ. ນອກນັ້ນ, ຍັງໄດ້ຊີ້​ແຈ້ງ​ຕໍ່ ຄໍາເໜີດັ່ງກ່າວ, ບາງຄໍາ​ສະ​ເໜີ​​ກໍ່​ໄດ້​ມອບ​ໃຫ້​ອໍານາດ​ການ​ປົກຄອງ​ເມືອງ​ເປັນ​ຜູ້ແກ້​ໄຂ ແລະ ຈໍານວນ​ໜຶ່ງກໍ່​ໄດ້​ນໍາ​ມາ​ຄົ້ນຄວ້າ, ພິຈາລະນາ​ມອບ​ໃຫ້​ພະ​ແນ​ກການ​ທີ່​ກ່ຽວຂ້ອງ​ແກ້​ໄຂຕາມລະບຽບ ແລະ ກົດໝາຍ.

ສະພາປະຊາຊົນແຂວງຊຽງຂວາງ

 ຂ່າວ​ໂດຍ: ນາງ ສຸກ​ສະຫວັນ ອິນທະ​ແສງ