ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນ​ວັນ​ທີ 31 ມີນາ 2022 ຢູ່​ທີ່​ຫ້ອງ​ປະຊຸມ​ສະພາ​ປະຊາຊົນ​ແຂວງ ​ໄດ້​ເປີດ​ກອງ​ປະຊຸມປຶກສາ​ຫາລື​ວຽກງານ​ຮອບດ້ານ​ ຂອງຄະນະ​ເລຂາທິການ​ສະພາ​ປະຊາຊົນ​ແຂວງ ​ໂດຍ​ການ​ເປັນ​ທານ​ຂອງ​ທ່ານ ນາງ ສາຍພູ​ເງິນ​ອຸດົມ​ສຸກ ຄະນະ​ປະ​ຈໍາ-​ເລຂາທິການ​ສະພາ​ປະຊາຊົນ​ແຂ​ວງ, ​ມີ​ຄະ​ເລຂາທິການ​ສະພາ​ປະຊາຊົນ​ແຂວງ, ຫົວໜ້າ-ຮອງ​ຫົວໜ້າຂະ​ແໜງ ​ແລະ ພະນັກງານ​ສະພາ​ປະຊາຊົນ​ແຂວງ​ເຂົ້າ​ຮ່ວ​ມ.

ເພື່ອ​ເປັນການສະຫຼຸບວຽກງານ​ຮອບ​ດ້ານທີ່​ສາມາດ​ຈັດ​ຕັ້ງ​ປະຕິບັດ​ໄດ້​ໃນ​ໄລຍະ​ຜ່ານ​ມາ ​ແລະ  ​ປຶກສາ​ຫາລື​ວຽກງານ​​ແຜນການ​ໃນ​ຕໍ່ໜ້າ ຂອງຄະນະ​ເລຂາທິການ​ ສະພາ​ປະຊາຊົນ​ແຂວງ, ​ໃນ​ທີ່​ປະຊຸມ​ທ່ານ ຄໍາແພງ ວົງ​ພະ​ເດັດ ​ໄດ້​ຂຶ້ນ​ຜ່ານ ບົດ​ສະ​ຫຼຸບການຈັດຕັ້ງປະຕິບັດວຽກງານ ຂອງຄະນະ​ເລຂາ​ທິການ ສະພາ​ປະຊາຊົນແຂວງ​ຊຽງ​ຂວາງປະ​ຈໍາ 3 ​ເດືອນ 1.2.3 ​​ປີ 2022 ແລະ ທິດທາງແຜນການປະ​ຈໍາ​ 3 ເດືອນ ​4.5.6 ປີ 2022 ​ເຊິ່ງ​ໃນ​ໄລຍຜ່ານ​ມາຄະ​ນະ​ເລຂາທິການເອົາໃຈໃສ່ການຈັດຕັ້ງປະຕິບັດວຽກງານສຶກສາອົບຮົມການເມືອງ-ແນວຄິດໃຫ້ແກ່ພະນັກງານ-ລັດຖະກອນດ້ວຍຫຼາຍຮູບການ​ເປັນ​ຕົ້ນ: ​ໄດ້​ເຊື່ອມ​ຊື​ມບັນດາ​ເອກະສາ​ນທີ່​ສໍາຄັນ​ຂອງ​ພັກ-​ຂອງ​ຊາດ, ຕັ້ງໜ້າປະຕິບັດໜ້າທີ່​ວຽກງານ​ຂອງ​ຕົນ​ດ້ວຍ​ຄວາມ​ຮັບຜິດຊອບສູງ ​ໂດຍ​ສະ​ເພາະ​ແມ່​ນ: ​ໄດ້ກະກຽມບັນດາ​ເນື້ອ​ໃນ​ເອກະສານ​ຕ່າງໆ, ອໍານວຍ​ຄວາມ​ສະດວກ​ດ້ານ​ງົບປະມານ​, ພາຫະ​ຫະນະ ​ແລະ ວັດຖຸ​ອຸປະກອນ​ຕ່າງໆ ​​ໃຫ້​ຄະນະ​ປະ​ຈໍາ​ສະພາ​ປະຊາຊົນ​ແຂວງ, ສະມາຊິກ​ສະພາ​ແຫ່ງ​ປະ​ຈໍາ​ເຂດ​ເລືອກ​ຕັ້ງ, ສະມາຊິກ​ສະພາ​ປະຊາຊົນ​ແຂວງ, ຄະນະ​ກໍາມະການຂອງ​ສະພາ​ປະຊາຊົນ​ແຂວງ ເພື່ອ​​​ໃນ​ການ​ເຄື່ອນ​ໄຫວວຽກງານ​ຂອງ​ຕົນ​, ນອກ​ນັ້ນ​ຍັງ​ປະສານສົມທົບ​ກັບ​ສະພາ​ແຫ່ງ​ຊາດ, ບັນດາ​ພະ​ແນ​ກການ, ກົມ​ກອງ​ອ້ອມຂ້າງ​ແຂວງ ​ໃນ​ການຈັດ​ຕັ້ງ​ປະຕິບັດ​ວຽກງານ. ທິດ​ທາງ​ແຜນການ​ໃນ​ຕໍ່ໜ້າ ຄະນະ​ເລຂາທິການ​ສະພາ​ປະຊາຊົນ​ແຂວງ​ ຍັງຈະ​ໄດ້​ສືບ​ຕໍ່ ສຶກສາອົບຮົມການເມືອງແນວຄິດໃຫ້ພະນັກງານ-ລັດຖະກອນດ້ວຍຫຼາຍຮູບແບບ ແລະ ເປັນປົກກະຕິ ເປັນຕົ້ນຈັດແບ່ງເຂົ້້າຮ່ວມ ແລະ ຈັດຕັ້ງການເຊື່ອມຊືມບັນດາແນວທາງນະໂຍບາຍຕ່າງໆຂອງພັກ ແລະ ລັດວາງອອກ, ການຈັດປາຖະກະຖາເລົ່າມູນເຊື້ອວັນສໍາຄັນຂອງພັກ-ຂອງຊາດ, ສືບ​ຕໍ່​ເປັນ​ເສນາ​ທິການ​ໃຫ້​ດ້ານ​ຕ່າງໆແກ່ສະພາ​ປະຊາຊົນ​ແຂວງ ​ໂດຍສະ​ເພາະສະໜອງຂໍ້​ມູນ, ​ເປັນ​ໃຈ​ການ​ປະສານ​ງານກັບ​ພາກສ່ວນ​ຕ່າງໆ, ​ອໍານວຍ​ຄວາມ​ສະດວກ​ດ້ານ​ພາຫະນະ ​ແລະ ງົບປະມານ ​ໃນ​ການ​ເຄື່ອນ​ໄຫວ​ວຽກງານ​ຂອງ​ສະພາ​ປະຊາຊົນ​ແຂວງ ພ້ອມ​ທັງສືບ​ຕໍ່​ເຂົ້າ​ຮ່ວມ​ຂະ​ບວນການ​ອອກ​ແຮງ​ງານ​ອະນາ​ໄມ​ສະຖານ​ທີ່ ​ແລະ ຂະ​ບວນການ​ກິລາ ​ຕ່າງໆຕາມ​ການ​ແຈ້ງ​ເຊີນ ​ເພື່ອ​ຂໍ່ານັບ​ຮັບ​ຕ້ອນ​ວັນ​ສໍາຄັນ​ຂອງ​ພັກ​-ຂອງ​ຊາດ. ​ນອກ​ຈາກນັ້ນ, ໃນ​ທີ່​ປະ​ປະຊຸມ​ບັນດາ​ຜູ້​ເຂົ້າຮ່ວມ​ກອງ​ປະຊຸມ​ຍັງ​ໄດ້​ປະກ​ອບຄໍາຄິດ, ຄໍາ​ເຫັນ ​ໃສ່​ຮ່າງ​ບົດ​ສະຫຼຸບດັ່ງກ່າວ ​ເພື່ອ​ໃຫ້​ມີ​ຄວາມ​ຄົບ​ຖ້ວນ​ສົມບູນ​ຂຶ້ນ​ຕື່ມ​ອີກ ພ້ອມ​ທັງໄດ້​ມີ​ການ​ຕໍາ​ນິສົ່ງ​ຂ່າວ, ກໍ່ສ້າງ ຊ່ວຍ​ເຫຼືອ ​ເຊິ່ງກັນ ​ແລະ ກັນ.

ໃນ​ຕອນ​ທ້າຍ ທ່ານ ນາງ ສາຍພູ​ເງິນ ​ອຸດົມ​ສຸກ ​ໄດ້ຍ້ອງຍໍ​ຊົມ​ເຊີຍ​ຕໍ່​ຜົນງານ​ທີ່​ສາ​ມາດ​ຈັດ​ຕັ້ງ​ປະຕິບັດ​ໄດ້​ໃນ​ໄລຍະ​ຜ່ານ​ມາ ​ແລະ ທ່ານ​ຍັງ​ໄດ້​ໃຫ້​ພະນັກງານ​ສະພາ​ປະຊາຊົນ​ແຂວງ ຈົ່ງ​ສືບ​ຕໍ່​ເອົາ​ໃຈ​ໃສ່​ປະຕິ​ບັດໜ້າທີ່​ວຽກງານ​ຂອງ​ຕົນ​ຢ່າງ​ຕັ້ງໜ້າບົນ​ພື້ນຖານ​ຄວາມ​ສາມັກຄີ, ສືບ​ຕໍ່​ຕໍາ​ນິສົ່ງ​ຂ່າວ, ກໍ​ສ້າງ​ຊ່ວຍ​ເຫຼືອ​ເຊິ່ງກັນ ​ແລະ ກັນ, ​ເອົາ​ໃຈ​ໃສ່​ສ້າງ​ຄວາມ​ສາມັກຄີ​ພາຍ​ໃນ​ໃຫ້​ແໜ້ນ​ແຟ້ນ ​ແລະ ພາຍ​ນອກ​ໃຫ້​ກວ້າງຂວາງ, ຈົ່ງ​ສືບ​ຕໍ່​ປະຕິບັດ​ມາດ​ຕະການປ້ອງ​ກັນການ​ແຜ່​ລະບາດ​ຂອງ​ພະຍາດ​ໂຄ​ວິດ19 ຢ່າງ​ເຂັ້ມ​ງວດ.

ສະພາ​ປະຊາຊົນ​ແຂວງ​ຊຽງຂວາງ

ຂ່າວ​​ໂດຍ: ນາງ ສຸກ​ສະຫວັນ ອິນທະ​ແສງ