ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 1 ສິງຫາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງຄໍາມ່ວນໄດ້ເປີດຂະບວນການແຂ່ງຂັນ-ຍ້ອງຍໍພາຍໃຕ້ຄໍາຂັວນ ” ຮັກຊາດ ແລະ ພັດທະນາ” ປະຈໍາປີ 2022 ໂດຍການເປັນກຽດເຂົ້າຮ່ວມເປັນປະທານຂອງ ທ່ານ ບົວພັນ ແສງຈັນ ກຳມະການພັກແຂວງ ຮອງປະທານສະພາປະຊາຊົນແຂວງຄໍາມ່ວນ ພ້ອມດ້ວຍບັນດາທ່ານ ກຳມະການຄະນະປະຈໍາສະພາປະຊາຊົນຂັ້ນແຂວງ, ຄະນະກຳມະການ, ຄະນະເລຂາທິການ, ແຂກຖືກເຊີນ, ຫົວໜ້າ-ຮອງຫົວໜ້າຂະແໜງ ແລະ ຕະຫລອດຮອດພະນັກງານວິຊາການສະພາປະຊາຊົນແຂວງເຂົ້າຮ່ວມ.

ໃນພິທີທ່ານ ບຸນສະຫວ່າງ ສີສຸກຂະລາດ ຮອງປະທານຄະນະກໍາມະການວັດທະນະທໍາສັງຄົມ ແລະ ບັນດາເຜົ່າ ສະພາປະຊາຊົນຂັ້ນແຂວງ ໄດ້ຜ່ານແຜນເຄື່ອນໄຫວເປີດຂະບວນການແຂ່ງຂັນ-ຍ້ອງຍໍ ພາຍໃຕ້ຄໍາຂວັນ ” ຮັກຊາດ ແລະ ພັດທະນາ” ໂດຍເລັ່ງໃຫ້ບັນດາຂະແໜງການຕ້ອງນຳເອົາເນື້ອໃນຂໍ້ແຂ່ງໄປຈັດຕັ້ງປະຕິບັດຜັນຂະຫຍາຍເປັນທິດທາງແຜນການຕາມພາລະບົດ, ສິດ ແລະ ໜ້າທີ່ຂອງຕົນ,​ ເພື່ອປຸກລະດົມພະນັກງານ-ລັດຖະກອນ ໃນຄວາມຮັບຜິດຊອບໃຫ້ມີຄວາມຫ້າວຫັນປະກອບສ່ວນປະຕິບັດແຜນດັ່ງກ່າວ ໃຫ້ໄດ້ຮັບຜົນສຳເລັດ, ໂດຍເລັ່ງໃສ່ 4 ຄາດໝາຍລວມຄື: ເຮັດໃຫ້ໄວ, ເຮັດໃຫ້ດີ, ເຮັດໃຫ້ຫລາຍ ແລະ ເຮັດໃຫ້ຖືກຕ້ອງຕາມລະບຽບກົດໝາຍ, ໄປພ້ອມໆກັບການມອບໝາຍ, ສຳລັບເນື້ອໃນແຂ່ງຂັນຕ້ອງປະຕິບັດ 4 ຂໍ້ແຂ່ງຂັນຄື: ແຂ່ງຂັນດ້ານການເມືອງ-ແນວຄິດ, ແຂ່ງຂັນດ້ານການຈັດຕັ້ງ, ແຂ່ງຂັນດ້ານແບບແຜນວິທີນຳພາ ແລະ ແຂ່ງຂັນດ້ານການຈັດຕັ້ງປະຕິບັດໜ້າທີ່ວຽກງານວິຊາສະເພາະ, ເຊິ່ງບັນດາຕາງໜ້າຄະນະກຳມະການ, ຄະນະເລຂາທິການ ແລະ ບັນດາຂະແໜງການ ກໍ່ໄດ້ພ້ອມກັນຂຶ້ນຈັບມືເພື່ອນຳເອົາເນື້ອໃນຂໍ້ແຂ່ງຂັນດັ່ງກ່າວໄປຈັດຕັ້ງປະຕິບັດໃຫ້ບັນລຸຕາມຄາດໝາຍ.

ໂອດັ່ງກ່າວ ທ່ານ ບົວພັນ ແສງຈັນ ຮອງປະທານສະພາປະຊາຊົນແຂວງຄໍາມ່ວນ ກໍ່ໄດ້ກ່າວມີຄໍາເຫັນຕໍ່ບັນເປີດຂະບວນການການແຂ່ງຂັນ-ຍ້ອງຍໍ ໃຕ້ຄໍາຂັວນ ” ຮັກຊາດ ແລະ ພັດທະນາ” ຂອງສະພາປະຊາຊົນແຂວງຄໍາມ່ວນ ເຊິ່ງທ່ານໄດ້ກ່າວວ່າ: ວຽກງານສະພາປະຊາຊົນແຂວງແມ່ນວຽກງານທີ່ມີບົດບາດຄວາມສຳຄັນ ແລະ ເປັນວຽກງານທີ່ຕິດພັນກັບຫລາຍຂົງເຂດເປັນຕົ້ນ: ຂົງເຂດຍຸຕິທຳ ແລະປກຊ-ປກສ, ເສດຖະກິດ, ແລະ ຂົງເຂດວັດທະນະທຳ ສະນັ້ນພະນັກງານ-ລັດຖະກອນຕ້ອງຍົກສູງຄວາມຮັບຜິດຊອບທາງດ້ານໜ້າທີ່ວຽກງານການເມືອງໂດຍການເອົາໃຈໃສ່ສຶກສາອົບຮົມທາງດ້ານການເມືອງແນວຄິດໃຫ້ແກ່ພະນັກງານໃຫ້ມີຈັນຍາບັນ, ຈັນຍາທຳ, ສິນທຳ, ຕໍ່ວິຊາສະເພາະຂອງຕົນເອງ, ເອົາໃຈໃສ່ຕໍ່ແບບແຜນວິທີນຳພາໃນການເຮັດວຽກເປັນໝູ່ຄະນະແບບລວມສູນປະຊາທິປະໄຕ, ມີຄວາມສາມັກຄີ, ເອົາໃຈໃສ່ຕິດຕາມ, ກວດກາການເຮັດວຽກງານຂອງພະນັກງານ-ວິຊາການທີ່ຂຶ້ນກັບຄວາມຮັບຜິດຊອບຂອງຕົນຢ່າງພາວະວິໃສ ແລະ ໃຫ້ສອດຄ່ອງກັບສະພາບຄວາມເປັນຈິງ.

ໂດຍ: ເອື້ອ ມະໂນສິງ ( ອາລີ ).