ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

           
            (ສພຊ) ຕອນບ່າຍວັນທີ 5 ເມສາຜ່ານມາ, ທີ່ສະພາແຫ່ງຊາດ ຄະນະຜູ້ແທນວິຊາການໂຄງການກໍ່ສ້າງສະຖາບັນ ພາກໃຕ້ ຈາກສະຖາບັນການເມືອງແຫ່ງຊາດ ໂຮ່ຈິມິນ ສສ.ຫວຽດນາມ ໄດ້ມາຢ້ຽມຢາມແລກປ່ຽນຖອດຖອນບົດຮຽນໃນ ການຄຸ້ມຄອງໂຄງການຊ່ວຍເຫລືອລ້າຈາກລັດຖະບານ ສສ.ຫວຽດນາມ ໂຄງການກໍ່ສ້າງຫໍສະພາແຫ່ງຊາດ ໂດຍການຕ້ອນ ຮັບຂອງສະຫາຍ ປອ. ບຸນທັນ ບຸນວິໄລ ຮອງເລຂາທິການສະພາແຫ່ງຊາດ ພ້ອມດ້ວຍຄະນະ; ຝ່າຍ ສສ.ຫວຽດນາມ ນຳໂດຍ ສະຫາຍ ຮວ່າງ ແອງ ຮວ່າງ ຫົວໜ້າກົມແຜນການ-ການເງິນ ສະຖາບັນການເມືອງແຫ່ງຊາດ ໂຮ່ຈິມິນ ພ້ອມ ດ້ວຍຄະນະ.
             ໂອກາດມາຢ້ຽມຢາມ ແລະ ແລກປ່ຽນບົດຮຽນໃນຄັ້ງນີ້ ຈະເປັນປະໂຫຍດບໍ່ຫລາຍກໍໜ້ອຍໃຫ້ແກ່ການຈັດຕັ້ງປະຕິ ບັດໂຄງການຂອງສະຖາບັນການເມືອງການປົກຄອງແຫ່ງຊາດໃນຕໍ່ໜ້າ; ພ້ອມກັນນັ້ນ, ກອງປະຊຸມ ຍັງໄດ້ຮັບຟັງລາຍງານ ການຈັດຕັ້ງປະຕິບັດ ໂຄງການປຸກສ້າງຫໍສະພາແຫ່ງຊາດຫລັງໃໝ່, ຮັບຊົມຟີມສາລະຄະດີໂຄງການປຸກສ້າງຫໍສະພາແຫ່ງຊາດ ຫລັງໃໝ່ ແລະ ຕາງໜ້າແມ່ທັບນ້ອຍ 11 ຜູ້ຮັບເໝົາກໍ່ສ້າງຂຶ້ນມີຄຳເຫັນ; ຈາກນັ້ນ ທັງສອງຝ່າຍ ໄດ້ປະກອບຄຳຄິດຄຳເຫັນ ພ້ອມທັງແລກປ່ຽນຫົວ ຂໍ້ອື່ນໆທີ່ມີຄວາມສົນໃຈ ກ່ຽວກັບໂຄງການກໍ່ສ້າງຫໍສະພາແຫ່ງຊາດຫລັງໃໝ່; ຫລັງຈາກນັ້ນ ຄະນະ ດັ່ງກ່າວ ໄດ້ ຢ້ຽມຊົມບັນດາຫ້ອງຕ່າງໆຂອງຫໍສະພາແຫ່ງຊາດຫລັງໃໝ່.
(ພາບ ແລະ ຂ່າວ: ນາງ ໄຊໂສພາພອນ ມິ່ງມຸງຄຸນ)