loader image

ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ສສຊ ແລະ ສສຂ ເມືອງສົບເບົາ ສືບຕໍ່ເຜີຍແຜ່ ຜົນສຳເລັດກອງປະຊຸມສະໄໝສາມັນ.

ມ.ຖ. 25, 2024 | ເຂດ 8 ຫົວ​ພັນ

              ວັນທີ 13-14 ມີນາ 2024 ນີ້, ນໍາໂດຍ ທ່ານ ຄອນປະພັນ ເລືອງສີຈັນທອງ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ, ຮອງປະທານ ສະພາປະຊາຊົນແຂວງ ແລະ ທ່ານ ສີສຸພັນ ກັນຍາວົງ ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງສົບເບົາ ພ້ອມດ້ວຍທີມງານ ລົງເຄື່ອນໄຫວ ເຜີຍແຜ່ຜົນສໍາເລັດກອງປະຊຸມສະໄໝສາມັນ ເທື່ອທີ 6 ຂອງ ສພຊ ແລະ ສພຂ ຢູ່ເມືອງສົບເບົາ ໄດ້ 4 ຈຸດ 3 ບ້ານຄື: ບ້ານ ໂພນຊາຍ, ບ້ານ ນາງົວ ບ້ານປ້ອງ ແລະ ເທດສະບານເມືອງ ມີການນຳເມືອງ, ພະນັກງານ, ທະຫານ, ຕໍາຫຼວດ, ອົງການປົກຄອງບ້ານພ້ອມດ້ວຍປະຊາຊົນພາຍໃນ 3 ບ້ານເຂົ້າຮ່ວມທັງຫມົດ 373 ຄົນ, ຍິງ 134 ຄົນ.
            ການເຄື່ອນໄຫວເຮັດວຽກຄັ້ງນີ້, ທ່ານ ສສຊ ແລະ ສສຂ ປະຈຳເຂດເລືອກຕັ້ງເມືອງ ສົບເບົາ ໄດ້ພັດປ່ຽນກັນນຳເອົາ ເນື້ອໃນເອກະສານຜົນສຳເລັດກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ແຂວງຫົວພັນ ຊຸດທີ II ຄຽງຄູ່ກັບ 2 ວາລະແຫ່ງຊາດ ກ່ຽວກັບການແກ້ໄຂ ຄວາມຫຍຸ້ງຍາກດ້ານເສດຖະກິດ – ການເງິນ ແລະ ບັນຫາຢາເສບຕິດ ເຜີຍແຜ່ໃຫ້ພໍ່ແມ່ປະຊາຊົນໄດ້ຮັບຮູ້ ແລະ ເຂົ້າໃຈຕໍ່ເນື້ອໃນຜົນສຳເລັດ ຂອງສອງກອງປະຊຸມ ທີ່ສະພາແຫ່ງຊາດ ແລະ ສະພາປະຊາຊົນ ແຂວງຫົວພັນ ໄດ້ພິຈາລະນາ ແລະ ຮັບຮອງແລ້ວນັ້ນ; ພ້ອມນີ້, ຍັງໄດ້ຮັບຟັງຄຳຄິດຄຳເຫັນ, ຄຳສະເໜີຂອງພໍ່ແມ່ປະຊາຊົນບັນດາເຜົ່າ ຄຳສະເໜີສ່ວນຫຼາຍ ທ່ານ ສສຊ ແລະ ສສຂ ໄດ້ອະທິບາຍ, ຊີ້ແຈງກັບທີ່ ເພື່ອໃຫ້ພໍ່ແມ່ປະຊາຊົນໄດ້ຮັບຮູ້ ແລະ ເຂົ້າໃຈກ່ຽວກັບບັນຫາດັ່ງກ່າວ
                  ໂອກາດດຽວກັນນີ້, ຄະນະທີມງານ ຍັງໄດ້ນຳເອົາອຸປະກອນການແພດຈຳນວນໜຶ່ງໃຫ້ໂຮງໝໍນ້ອຍສົບຮາວ
                                                                                                                                                                                                             ຂ່າວ: ສພຂ ຫົວພັນ
                                                                                                                                                                                                             ພາບ: ຄຳພຸດ ວັນລາສີ