ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 18 – 20 ມີນາ 2022, ນຳໂດຍ ທ່ານ ນາງ ອຳໄພວອນ ລ້ອມບຸນແພງ ກຳມະການສຳຮອງສູນກາງພັກ, ຮອງເລຂາພັກແຂວງ, ປະທານຄະນະສະມາຊິກສະພາແຫ່ງຊາດ ປະຈໍາເຂດເລືືອກຕັ້ງທີ 8, ປະທານສະພາປະຊາຊົນແຂວງ ແລະ ທ່ານ ວຽງສອນ ພົມມາສອນ ຮອງເລຂາພັກເມືອງ, ປະທານອົງການກວດກາລັດເມືອງ ຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງ ເມືອງຮ້ຽມ ໄດ້ເຄື່ອນໄຫວເຮັດວຽກຢູ່ ເທດສະບານເມືອງ, ບ້ານ ນາທວນ, ບ້ານທາດຮ້ຽມ, ບ້ານເມືອງຮ້ຽມ ແລະ ບ້ານສຳພັນທອງ ເມືອງຮຽ້ມ ແຂວງຫົວພັນ ເຂົ້າຮ່ວມມີ ພະນັກງານ – ລັດຖະກອນ, ທະຫານຕຳຫຼວດ ຕະຫລອດຮອດປະຊາຊົນ ເຂົ້າຮ່ວມຮັບຟັງ ທັງໝົດ 306 ຄົນ ຍິງ 161ຄົນ.

ການລົງເຄື່ອນໄຫວຄັ້ງນີ້ ທ່ານ ສສຊ ແລະ ສສຂ ນຳເອົາ ເນື້ອໃນຜົນສຳເລັດກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ແຂວງຫົວພັນ ຊຸດທີ II  ວາລະແຫ່ງຊາດ ໃນການແກ້ໄຂບັນຫາເສດຖະກິດການເງິນ ແລະ ບັນຫາຢາເສບຕິດ ໃຫ້ຜູ້ມີສິດເລືອກຕັ້ງ ໄດ້ຮັບຮູ້ ແລະ ເຂົ້້າໃຈ​ເຖິງເນື້ອໃນຈິດໃຈເອກະສານດັ່ງກ່າວ

ພ້ອມນີ້ ຍັງໄດ້ຮັບຟັງຄຳຄິດຄຳເຫັນ, ຄໍາຂັດຂ້ອງໝອງໃຈຂອງປະຊາຊົນ ເຊິ່ງເຫັນໄດ້ຫລາຍບັນຫາ ທີ່ຕິດພັນກັບວຽກງານການພັດທະນາເສດຖະກິດ-ສັງຄົມ ແລະ ວຽກງານອື່ນໆ ທີ່ກ່ຽວພັນກັບ ວຽກງານປ້ອງກັນຊາດ-ປ້ອງກັນຄວາມສະຫງົບ; ໂຍທາທິການ ແລະ ຂົນສົ່ງ ແລະ ວຽກງານສາທາລະນະສຸກ. ຈາກນັ້ນ, ທ່ານ ສສຊ ແລະ ສສຂ ກໍໄດ້ອະທິບາຍ,​ຊີ້ແຈງບັນດາຄຳສະເໜີດັ່ງກ່າວ ໃຫ້ພໍ່ແມ່ປະຊາຊົນເຂົ້າໃຈກັບທີ່ ແລະ ຮັບເອົາບາງຄຳສະເໜີ ເພື່ອນຳໄປຊຸກຍູ້ ໃຫ້ພາກສ່ວນທີ່ກ່ຽວຂ້ອງ ຄົ້ນຄວ້າ, ພິຈາລະນາ ແລະ ແກ້ໄຂຕາມຄວາມເໝາະສົມ.

  ເວີນ ແກ້ວບຸນມີ