ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

 

ວັນທີ 22 ກຸມພາ 2022 ນີ້ສະມາຊິກສະພາແຫ່ງຊາດ ປະຈຳເຂດເລືອກຕັ້ງ8 ແລະ ສະມາຊິກສະພາປະຊາຊົນແຂວງປະຈຳເຂດເລືອກຕັ້ງ ເມືອງວຽງໄຊ ລົງເຄື່ອນໄຫວພົບປະພໍ່ແມ່ປະຊາຊົນ ຢູ່ບ້ານພ້ອງງາ ເມືອງວຽງ ເພື່ອເຜີຍແຜ່ ຜົນສຳເລັດກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນ ແຂວງ ຊຸດທີ II ເຊິ່ງນຳໂດຍທ່ານ ຄອນປະພັນ ເລືອງສີຈັນທອງ ຄະນະປະຈຳພັກແຂວງ ຮອງປະທານສະພາປະຊາຊົນແຂວງ ພ້ອມດ້ວຍ ບັນດາທ່ານ ສະມາຊິກສະພາປະຈໍາເມືອງວຽງໄຊ

ການລົງເຄື່ອນໄຫວຄັ້ງນີ້,​ ສສຊ ແລະ ສສຂ ປະຈຳເຂດເລືອກຕັ້ງເມືອງ ໄດ້ພັດປ່ຽນກັນຂຶ້ນ ເຜີຍແຜ່ເນື້ອໃນຂອງສອງກອງປະຊຸມ ທີ່ສະພາແຫ່ງຊາດ ແລະ ສະພາປະຊາຊົນແຂວງ ໄດ້ຮັບຮອງໄປນັ້ນ ເພື່ອເຮັດໃຫ້ ພໍ່ແມ່ປະຊາຊົນຜູ້ທີ່ມີສິດເລືອກຕັ້ງ ໄດ້ຮັບຮູ້, ເຂົ້າໃຈຕໍ່ແນວທາງນະໂຍບາຍ ຂອງພັກ ແລະ ລະບຽບກົດໝາຍ ຂອງລັດ ແລະ ແຜນພັດທະນາເສດຖະກິດ – ສັງຄົມ ຂອງຊາດ ແລະ ຂອງແຂວງ.ໂອກາດລົງເຜີຍແຜ່ຄັ້ງນີ້ ສສຊ, ສສຂ ໄດ້ນຳ ເຄື່ອງນຸ່ງຫົ່ມ, ຫມີ່ມອບໃຫ້ຄອບຄົວທຸກຍາກ, ປຶ້ມ ຂຽນ ແລະ ໂທລະໂຄ່ງ 1 ຊຸດມອບໃຫ້ບ້ານດັ່ງກ່າວ ລວມມູນຄ່າທັງໝົດ 3,300.000 ກີບ.