ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

     ເພື່ອເປັນຂໍ້ມູນໃຫ້ແກ່ ສະມາຊິກສະພາແຫ່ງຊາດ ປະຈໍາເຂດເລືອດຕັ້ງທີ 04 ໃນການເຂົ້າຮ່ວມ ແລະ ນໍາສະເໜີຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX , ວັນທີ 30 ພຶດສະພາ 2022 ທີ່ຫ້ອງປະຊຸມສະພາປະຊາຊົນແຂວງອຸດົມໄຊ, ບັນດາພະແນກການ ໄດ້ລາຍງານສະພາບພົ້ນເດັ່ນ ແລະ ຄວາມຫຍຸ້ງຍາກ ໃນການຈັດຕັ້ງປະຕິບັດວຽກງານຂອງຕົນ ຕໍ່ສະມາຊິກສະພາແຫ່ງຊາດ(ສສຊ) ປະຈໍາເຂດເລືອກຕັ້ງທີ 04 ແລະ ສະມາຊິກສະພາປະຊາຊົນແຂວງ (ສສຂ), ໂດຍການເປັນປະທານ ຂອງ ທ່ານ ຄໍາດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງອຸດົມໄຊ, ມີ ທ່ານ ອ່ອນແກ້ວ ອຸ່ນອາລົມ ຄະນະປະຈໍາພັກແຂວງ, ຮອງເຈົ້າແຂວງອຸດົມໄຊ, ທ່ານ ສົມຈິດ ປັນຍາສັກ ຄະນະປະຈໍາພັກແຂວງ, ຮອງເຈົ້າແຂວງອຸດົມໄຊ, ບັນດາທ່ານ ສສຊ ປະຈໍາເຂດເລືອກຕັ້ງທີ 04, ຄະນະປະຈໍາ ສພຂ, ສະມາຊິກສະພາປະຊາຊົນແຂວງ, ຫົວໜ້າພະແນກ/ຮອງຫົວໜ້າພະແນກການ ແລະ ຕາງໜ້າຂົງເຂດທີ່ກ່ຽວຂ້ອງເຂົ້າຮ່ວມ.
     ກອງປະຊຸມຄັ້ງນີ້ ແມ່ນຮັບຟັງການລາຍງານ ສະພາບພົ້ນເດັ່ນ, ຂໍ້ສະດວກ – ຂໍ້ຄວາມຫຍຸ້ງຍາກ ແລະ ຄໍາສະເໜີຕ່າງໆ ການຈັດຕັ້ງປະຕິບັດວຽກງານຂົງເຂດເສດຖະກິດ ໃນໄລຍະຜ່ານມາ ຕາມຄໍາຖາມເຈາະຈີ້ມ, ຊຶ່ງໄດ້ຮັບຟັງການລາຍງານຂອງ ພະແນກໂຍທາທິການ ແລະ ຂົນສົ່ງ, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ, ພະແນກແຜນການ ແລະ ການລົງທຶນ, ພະແນກອຸດສາຫະກໍາ ແລະ ການຄ້າ, ພະແນກພະລັງງານ ແລະ ບໍ່ແຮ່ ແລະ ພະແນກການເງິນ, ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ພະແນກແຮງງານ ແລະ ສະຫວັດດີການສັງຄົມ, ພະແນກສຶກສາທິການ ແລະ ກິລາ ແລະ ພະແນກສາທາລະນະສຸກແຂວງ.
 
     ພາຍຫຼັງບັນດາພະແນກການ ໄດ້ລາຍງານແລ້ວ ສສຊ-ສສຂ ຍັງໄດ້ມີຄໍາຖາມເຈາະຈີ້ມເພີ່ມຕື່ມຈໍານວນໜຶ່ງ ແລະ ບັນດາພະແນກ ການທີ່ກ່ຽວຂ້ອງ ກໍໄດ້ຊີ້ແຈງຕໍ່ຄໍາເຈາະຈີ້ມດັ່ງກ່າວ ຕາມຄວາມຮັບຜິດຊອບຂອງຕົນ, ໃນຕອນທ້າຍ, ປະທານກອງປະຊຸມ ໄດ້ມີຄໍາເຫັນ ເພີ່ມຕື່ມ ຕໍ່ຄະນະຮັບຜິດຊອບ ຈົ່ງຮີບຮ້ອນສັງລວມບັນດາເນື້ອ ແລະ ຄໍາສະເໜີຕ່າງໆ ຂອງພະແນກການ ທີ່ໄດ້ສະເໜີຕໍ່ ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 04 ເພື່ອເປັນບ່ອນອີງ ໃນການນໍາສະເໜີຕໍ່ ລັດຖະບານ ຢູ່ໃນກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX.
📸  ✍️: ສີແຫວງ ສີບຸນເຮືອງ.
ກວດແກ້: ແສງພອນ ອິນນະລົງ.