ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR


ໃນວັນທີ 31​ ສິງຫາ 2022.​ ສະພາປະຊາຊົນແຂວງ​ (ສພຂ)​ ໄດ້ຈັດພິທີເຜີຍແຜ່ເຊື່ອມຊືມເອກະສານທີ່ສຳຄັນຂອງພັກ ແລະ ຂອງຊາດຂຶ້ນ,​ທີ່ຫ້ອງປະຊຸມ​ ສພຂ,​ ພາຍໃຕ້ການເປັນປະທານຂອງສະຫາຍ ນາງ ມີນາພອນ​ ໄຊສົມພູ​ ຮອງເລຂາພັກແຂວງ​ ປະທານ​ ສພຂ, ມີ​ສະຫາຍ​ ນາງ​ ພອນມະນີ​ ຂຽນໄຊຍະວົງ​ ກຳມະການພັກແຂວງ​ ຮອງປະທານ​ ສພຂ,​ ມີບັນດາສະຫາຍຄະນະພັກ​ ສພຂ,​ຄະນະກໍາມະການ, ຄະນະເລຂາທິການ, ຕາງຫນ້າຄະນະໂຄສະນາອົບຮົມແຂວງ,​ ພ້ອມດ້ວຍສະມະຊີກພັກ,​ພະນັກງານ-ລັດຖະກອນພາຍ​ໃນ ສພຂ​ ເຂົ້າຮ່ວມ​ທັງໝົດ​ 51​ສະຫາຍ,​ຍິງ​ 20​ ສະຫາຍ.

​ ສະຫາຍ ນາງ​ ມີນາພອນ​ ໄຊສົມພູ​ ແລະ​ ສະຫາຍ​ ນາງ​ ພອນມະນີ​ ຂຽນໄຊຍະວົງ​ ໄດ້ຜັດປ່ຽນກັນເຜີຍແຜ່ເຊື່ອມຊືມເອກະສານປະກອບມີ: ເອກະສານເສີມຂະຫຍາຍມູນເຊື້ອຂອງພັກ,​ຍົກສູງຄວາມສາມາດການນໍາພາຂອງພັກ, ສະກັດກັ້ນ​ ແລະ​ ແກ້ໄຂປະກົດການຫຍໍ້ທໍ້ພາຍໃນພັກ,​ຝືກຜົນຫລໍ່ຫລອມຄຸນສົມບັດສີນທໍາປະຕິວັດ ແລະ​ ເອກະສານ​ 2​ ວາລະ​ແຫ່ງຊາດ​ (ແບບຖາມ-ຕອບ)​ ກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດການເງີນ ແລະ​ ວ່າດ້ວຍການແກ້ໄຂບັນຫາຢາເສບຕິດ​ ແລະ​ ເອກະສານ​ມະຕິກອງປະຊຸມໃຫ່ຍຄັ້ງທີ​XI​ຂອງພັກ​ (ແບບຖາມ-ຕອບ) ທັງນີ້,​ເພື່ອເຮັດໃຫ້ສະມະຊິກພັກ,​ພະນັກງານ-ລັດຖະກອນ​ ພາຍໃນ​ ສພຂ ໄດ້ຮັບຮູ້ເຊື່ອມຊືມ ເຂົ້າໃຈຢ່າງເລີກເຊິ່ງ ກໍາແໜ້ນແນວທາງການປ່ຽນແປງໃໝ່ຂອງພັກ- ລັດ ທີ່ວາງອອກແຕ່ລະໄລຍະ​ ແລະ​ ນຳໄປໝູນໃຊ້ເຂົ້າໃນວຽກງານໃຫ້ມີຄວາມເປັນເອກະພາບ​ ແລະ​ ມີຜົນສຳເລັດ.

ໃນໂອກາດ​ດັ່ງກ່າວ,​ ສະຫາຍ ນາງ ມີນາພອນ​ ໄຊສົມພູ ຍັງໄດ້ໂອ້ລົມເນັ້ນໜັກຕໍ່ກັບສະມາຊີກພັກທຸກສະຫາຍໃຫ້ຕື່ນຕົວຫ້າວຫັນເປັນແບບຢ່າງໃຫ້ແກ່ມະຫາຊົນ ເປັນເຈົ້າການປະຕິບັດແນວທາງ, ນະໂຍບາຍຂອງພັກ, ມະຕິຄໍາສັ່ງ ກົດລະບຽບພັກ,ລັດຖະທຳມະນູນ ແລະ ກົດໝາຍ ປະກອບສ່ວນເຂົ້າໃນການກໍ່ສ້າງ, ບູລະນະແນວທາງ, ແຜນນະໂຍບາຍຂອງພັກ ແລະ ເຮັດສຳເລັດໜ້າທີ່ ທີ່ພັກ – ລັດມອບໝາຍໃຫ້ໃຫ້ປະກົດຜົນເປັນຈິງເທື່ອລະກ້າວ.
(ວິນັດ).