ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອເປັນການສ້າງໃຫ້ຖັນແຖວ ພະນັກງານນໍາພາ-ຄຸ້ມຄອງ ແລະ ພະນັກງານວິຊາການ ມີຄວາມຮູ້ຄວາມສາມາດຮອບດ້ານ, ມີຄຸນທາດການເມືອງທີ່ໜັກແໜ້ນ, ມີຄຸນສົມບັດສິນທໍາປະຕິວັດ, ຈັນຍາບັນ, ຈັນຍາທໍາ, ຊື່ສັດຕໍ່ໜ້າທີ່ວຽກງານ, ມີນໍ້າໃຈເສຍສະຫຼະສູງ ເພື່ອຮັບໃຊ້ປະເທດຊາດ, ຮັບໃຊ້ປະຊາຊົນ ແລະ ພ້ອມທັງຮັບຮູ້,ເຂົ້າໃຈເຖິງຕົ້ນກຳເນີດ ແລະ ການເຕີບໃຫຍ່ຂະຫຍາຍໂຕຂອງວັນສຳຄັນຕ່າງໆຂອງຊາດ ແລະ ຂອງສາກົນ.

ດັ່ງນັ້ນ ສະພາປະຊາຊົນແຂວງສາລະວັນ ຈຶ່ງໄດ້ຈັດກອງປະຊຸມເຜີຍແຜ່ ດຳລັດວ່າດ້ວຍ ຈັນຍາບັນ ຂອງພະນັກງານ-ລັດຖະກອນ ສະບັບເລກທີ 184/ລບ ລົງວັນທີ 26 ມິຖຸນາ 2019, ຕິດພັນກັບການເຜີຍແຜ່ກົດໝາຍ ວ່າດ້ວຍເອກະສານ, ການສ້າງເອກະສານ, ປາຖະກະຖາ ວັນກຳມະກອນສາກົນ ຄົບຮອບ 136 ປີ (1/5/1886-1/5/2022) ແລະ ວັນສ້າງຕັ້ງກຳລັງປ້ອງກັນຄວາມສະຫງົບ ປະຊາຊົນລາວ ຄົບຮອບ 61 ປີ (5/4/1965-5/4/2022).

ກອງປະຊຸມໄດ້ຈັດຂຶ້ນໃນຕອນເຊົ້າຂອງວັນທີ 26 ເມສາ 2022 ນີ້ ຢູ່ທີ່ຫ້ອງປະຊຸມສະໂມສອນຂອງແຂວງ ໂດຍການເຂົ້າຮ່ວມຂອງທ່ານ ຂັນໄຊ ລັດຖະເຮົ້າ ຄະນະປະຈຳພັກແຂວງ ປະທານສະພາປະຊາຊົນແຂວງ ມີຄະນະປະຈຳ, ຄະນະກຳມະການ, ຄະນະເລຂາທິການ ຕະຫຼອດຮອດພະນັກງານ-ລັດຖະກອນ ພາຍໃນສະພາປະຊາຊົນແຂວງ ເຂົ້າຮ່ວມຮັບຟັງໃນຄັ້ງນີ້.

ພາບ ແລະ ຂ່າວ: ດີລຳພົນ ພົມມະຈັນ