ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສ​ພ​ຂ)ໃນວັນທີ 3 ພຶດສະພາ 2022 ນີ້ ທີ່ຫ້ອງປະຊຸມສະໂມສອນແຂວງ. ສະພາປະຊາຊົນແຂວງສາລະວັນ ປະເມີນຜົນການຈັດຕັ້ງປະຕິບັດກົດໝາຍ 4 ສະບັບ ທີ່ຕິດພັນກັບວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ຢູ່ແຂວງສາລະວັນ ໂດຍພາຍໃຕ້ການເປັນປະທານ ຂອງທ່ານ ສີເຮັງ ຫອມສົມບັດ ຮອງ​ເລ​ຂາ​ພັກ​ແຂວງ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືຶອກຕັ້ງ14 ປະທານສະພາປະຊາຊົນແຂວງ (ສພຂ). ມີບັນທ່ານສະມາຊິກສະພາແຫ່ງຊາດປະຈໍາເຂດເລືອກຕັ້ງ14 ເຂົ້າຮ່ວມທາງໄກ, ຄະນະປະຈໍາພັກແຂວງ, ກຳ​ມະ​ການ​ພັກ​ແຂວງ, ຄະນະປະຈໍາສພຂ, ຄະນະກຳມະການ, ຄະນະເລຂາທິການ, ເຈົ້້າເມືອງ 8 ເມືອງ ແລະພະແນກການ, ອົງການອ້ອມຂ້າງແຂວງ, ພະນັກງານລັດຖະກອນທີ່ກ່ຽວຂ້ອງເຂົ້າຮ່ວມ ທັ​ງ​ໝົດ 77 ທ່ານ, ຍິງ 16 ທ່ານ.

ໃນການດຳເນີນກອງປະຊຸມ ໄດ້ຮັບຟັງການລາຍງານຈາກຕາງໜ້າພະແນກຊັບພະຍາກອນທໍາມະຊາດ ແລະສິ່ງ ແວດລ້ອມ, ພະ​ແນກ​ແຜນ​ການ ແລະ​ການ​ລົງ​ທຶນ, ພະ​ແນກ​ການ​ເງິນ, ພະ​ແນກ​ພະ​ລັງ​ງານ ແລະ ບໍ່​ແຮ່ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍທີ່ດິນ, ກົດໝາຍວ່າດ້ວຍການສົ່ງເສີມການລົງທຶນ, ກົດໝາຍວ່າດ້ວຍຊັບສິນຂອງລັດ  ແລະ ກົດໝາຍວ່າດ້ວຍແຮ່ທາດ.​ ຈາກນັ້ນ ຜູ້ເຂົ້າຮ່ວມກອງປະຊຸມ ໄດ້ແລກປ່ຽນ ປະກອບຄໍາຄິດຄໍາເຫັນ ຕໍ່ກັບການຈັດຕັ້ງປະຕິບັດກົດໝາຍ 4 ສະບັບ, ນິ​ຕິ​ກຳ​ໃຕ້​ກົດ​ໝາຍ ຢ່າງກົງໄປກົງມາ ລົງ​ເລິກ​​ໃສ່​ບັນ​ຫາ​ຢ່າງຮອບດ້ານໃນການຈັດຕັ້ງປະຕິບັດຂັ້ນແຂວງແລະເມືອງ.
ກອງ​ປະ​ຊຸມປະເມີນ​ການຈັດຕັ້ງປະຕິບັດກົດໝາຍ 4 ສະບັບຄັ້ງນີ້ ເປັນກອງປະຊຸມທີ່ມີຄວາມໝາຍສຳຄັນ ໃນຂະບວນການສ້າງປັບປຸງ ແລະ ຈັດຕັ້ງປະຕິບັດກົດໝາຍ ຂອງສະພາແຫ່ງຊາດ ແລະລັດຖະບານ, ນິ​ຕິ​ກຳ​ໃຕ້​ກົດ​ໝາຍ

ຂ​ອງ​ແຂວງ ຊຶ່ງຕິດພັນກັບການຈັດຕັ້ງປະຕິບັດວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກ ທາງດ້ານເສດຖະກິດ-ການເງິນ ໃຫ້ມີປະສິດທິພາບ ແລະ ປະສິດທິຜົນສູງ; ທັງເປັນການສະຫລຸບຖອດຖອນບົດຮຽນ ໃຫ້ແກ່ການຈັດຕັ້ງປະຕິບັດກົດໝາຍ, ນິ​ຕິ​ກຳ​ໃຕ້​ກົດ​ໝາຍ ຢູ່ໃນຂົງເຂດຕ່າງໆໃນຕໍ່ໜ້າ ແລະ ເພື່ອສັງລວມເປັນຂໍ້ມູນລາຍງານ ໃຫ້ຄະນະປະຈໍາສະພາແຫ່ງຊາດ ທີ່​ໄດ້ຈະລາຍງານຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ເພື່ອພິຈາລະນາຮັບຮອງເອົາໃນຕໍ່ໜ້າ.

 

​(ຂ່າວ: ນາງ ຄັດ​ສອນ ຮຸ່ງ​ສະ​ຫວ່າງ; ພາບ: ດີລໍາພົນ ພົມມະຈັນ)