ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າວັນທີ 28 ກໍລະກົດ 2022 ເວລາ 8:00 ໂມງ ທີ່ຫ້ອງປະຊຸມສະພາປະຊາຊົນແຂວງວຽງຈັນ ໄດ້ຈັດພິທີເຜີຍແຜ່ເນື້ອໃນຜົນສໍາເລັດກອງປະຊຸມສະໄໝສາມັນເທື່ອທີ 3 ຂອງສະ ພາແຫ່ງຊາດ ຊຸດທີ IX ເອກະສານສໍາຄັນຕ່າງໆ ໃຫ້ແກ່ສະມາຊິກພັກ-ພະນັກງານ ສະພາປະຊາຊົນແຂວງວຽງຈັນ ຂຶ້ນ ໂດຍການເປັນປະທານຂອງທ່ານ ບຸນສອນ ເພັດລາວັນ ຮອງເລຂາພັກແຂວງ, ປະທານສະພາປະຊາຊົນແຂວງວຽງຈັນ ເປັນກຽດເຂົ້າຮ່ວມມີ ທ່ານ ລໍາໄມ ກູດລາວົງ ຄະນະປະຈໍາພັກແຂວງ, ຮອງປະທານສະພາປະຈໍາສະພາປະຊາຊົນແຂວງ, ທ່ານ ນາງ ຈັນທະຄອນ ສີອໍາພອນ ກໍາມະການພັກແຂວງ, ຮອງປະທານສະພາປະຊາຊົນແຂວງວຽງຈັນ ບັນດາທ່ານ ຮອງປະທານຄະນະກໍາມະການ, ຄະນະເລຂາທິການ, ຫົວໜ້າຂະແໜງ-ຮອງຂະແໜງຕະຫຼອດຮອດສະມາຊິກພັກ-ພະນັກ ງານພາຍໃນສະພາປະຊາຊົນແຂວງເຂົ້າຮ່ວມຢ່າງພ້ອມພຽງ

ກອງປະຊຸມໄດ້ນໍາເອົາເອກະສານທີ່ສໍາຄັນ ມາຈັດຕັ້ງເຜີຍແຜ່ ເປັນຕົ້ນແມ່ນ: ຄໍາແນະນໍາຂອງຄະນະປະຈໍາສະພາແຫ່ງຊາດ ກ່ຽວກັບການຈັດຕັ້ງຜັນຂະຫຍາຍ ແລະ ໂຄສະນາເຜີນແຜ່ຜົນສໍາເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX, ເນື້ອໃນຜົນສໍາເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX, ຂໍ້ຕົກລົງ ຂອງປະທານສະພາປະຊາ ຊົນແຂວງ ກ່ຽວກັບແຜນການກະກຽມດໍາເນີນກອງປະຊຸມສະໄໝສາມັນເທື່ອທີ 3 ຂອງສະພາປະ ຊາຊົນແຂວງວຽງຈັນ ຊຸດທີ II, ມະຕິກອງປະຊຸມຄົບຄະນະ ຂອງບໍລິຫານງານສູນກາງພັກ ຄັ້ງທີ 4 ສະໄໝທີ XI ແລະ ເອກະສານ ວັນຄ້າຍວັນເກີດ ປະທານສຸພານຸວົງ ຄົບຮອບ 113 ປີ, ເຊິ່ງທັງໝົດນີ້ ທ່ານໄດ້ຍົກໃຫ້ເຫັນເຖິງໝາກຜົນຂອງກອງປະຊຸມສະໄໝສາມັນສາມັນເທື່ອທີ 3 ຂອງສະພາແຜ່ງຊາດຊຸດທີ IX ໃນສະພາບເສດຖະກິດມີການຫັນປ່ຽນຢ່າງໄວວາແຕ່ຍ້ອນຄວາມເອົາໃຈໃສ່ຂອງການນໍາຂັ້ນສູງ ແລະ ການນໍາທຸກຂັ້ນເຮັດໃຫ້ປະເທດເຮົາຜ່ານຜ່າຄວາມຫຍຸ້ງຍາກ ແລະ ມີສະຖຽນລະພາບທາງດ້ານການເມືອງທີ່ໜັກແໜ້ນ ນອກຈາກນັ້ນ ກອງປະຊຸມຍັງໄດ້ມີການເຜີຍແຜ່ເອກະສານ ວັນຄ້າຍວັນເກີດທ່ານຜູ້ນໍາທີ່ແສນເຄົາລົບຮັກຂອງປວງຊົນລາວ ກໍຄືວັນຄ້າຍວັນເກີດປະທານສຸພານຸວົງ ຄົບຮອບ 113 ປີ ໃຫ້ສະມາຊິກພັກພະນັກງານພາຍໃນສະພາປະຊາຊົນແຂວງໄດ້ຮັບຮູ້ ແລະ ຮໍ່າຮຽນເອົາແບບຢ່າງນໍ້າໃຈຮັກຊາດອັນດູດດື່ມ,ຈິດໃຈຕໍ່ສູ້ພິລະອາດຫານກ້າແກ່ນ,ທັດສະນະຫຼັກໝັ້ນອັນໜັກແໜ້ນ ແລະ ນໍ້າໃຈເສຍຫຼະອັນສູງສົ່ງເພື່ອຊາດເພື່ອປະຊາຊົນ ແລະ ຮໍ່າຮຽນເອົາແບບຢ່າງຄຸນສົມບັດສິນທໍາປະຕິວັດອັນຜ່ອງໃສກໍ່ຄືແບບຢ່າງໃນການດໍາລົງຊີວິດ ແລະ ອຸດທິດຕົນເພື່ອພາລະກິດຂອງພັກ ຂອງທ່ານປະທານ ສຸພານຸວົງ ພ້ອມທັງເຫັນປະຫວັດຄວາມເປັນມາ,ມູນເຊື້ອແຫ່ງການພົວພັນມິດຕະພາບ-ການຮ່ວມມືດ້ານສາມັກຄີພິເສດລະຫວ່າງ ສປປ ລາວ ແລະ ສສ ຫວຽດນາມ.

ໃນໂອກາດທີ່ມີຄວາມໝາຍຄວາມສໍາຄັນນີ້ ກອງປະຊຸມຍັງໄດ້ຮັບຟັງການໂອ້ລົມຈາກປະ ທານກອງປະຊຸມ ໄດ້ສະແດງຄວາມຍ້ອງ ຍໍຊົມເຊີຍ ຕໍ່ການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ ພ້ອມນັ້ນ ຍັງໄດ້ເນັ້ນໜັກໃຫ້ບັນດາຄະນະນໍາຕະຫຼອດຮອດສະມາຊິກພັກ-ພະນັກງານພາຍໃນສະພາປະຊາຊົນແຂວງ ຍົກສູງຄວາມຮັບຜິດຊອບການເມືອງ ເຂົ້າໃນວຽກງານທີ່ຕົນຮັບຜິດຊອບ ໂດຍສະເພາະການພົວພັນປະ ສານງານກັບບັນດາຄະນະກໍາມະການ, ຂະແໜງການໃຫ້ມີຄວາມສອດ ຄ່ອງກົມກຽວກັນ ເພື່ອຮັບ ປະກັນໃຫ້ການປະຕິບັດ ພາລະບົດບາດຂອງະພາປະຊາຊົນແຂວງນັບມື້ນັບມີການຫັນປ່ຽນດີຂື້ນເປັນກ້າວໆ.