(ສພຊ) ກອງປະຊຸມເຝິກອົບຮົມການຍົກລະດັບສ້າງຄວາມເຂັ້ມແຂງ ປະຈໍາປີ 2023 ໃຫ້ແກ່ພະນັກງານ-ລັດຖະກອນພາຍໃນສະຖາບັນຄົ້ນຄວ້ານິຕິກຳສະພາແຫ່ງຊາດ (ສນສ) ເພື່ອຍົກລະດັບຄວາມຮູ້, ຄວາມສາມາດ ແລະ ສ້າງຄວາມເຂັ້ມແຂງດ້ານວິຊາສະເພາະ ພ້ອມທັງຮັບປະກັນການເປັນເສນາທິການໃຫ້ແກ່ ສນສ ມີປະສິດທິ ຜົນຍິ່ງໆຂຶ້ນ; ກອງປະຊຸມໄດ້ຈັດຂຶ້ນລະຫວ່າງວັນທີ 23-26 ມັງກອນ 2024 ໂດຍການເປັນປະທານຂອງທ່ານ ສິນທະລາ ຫຼ້າສຸກສະໄໝ ຫົວໜ້າສະຖາບັນຄົ້ນຄວ້ານິຕິກຳ ເຂົ້າຮ່ວມມີຄະນະສະຖາບັນ, ຄະນະສູນ ແລະ ວິທະ ຍາກອນ.

ກອງປະຊຸມໄດ້ພ້ອມກັນຮັບຟັງບົດຮຽນການເຝິກຝົນຫຼໍ່ຫຼອມຄຸນສົມບັດສິນທຳປະຕິວັດຂອງພະນັກງານ-ສະມາຊິກພັກ ໃນໄລຍະປ່ຽນແປງໃໝ່ ຈາກທ່ານ ປທ. ແສງທອງ ພຸດທະວົງ ຫົວໜ້າຄະນະກໍ່ສ້າງພັກ ແລະ ປະ ຫວັດສາດພັກ, ສະຖາບັນການເມືອງ-ການປົກຄອງແຫ່ງຊາດ; ວຽກງານຄົ້ນຄວ້າວິໄຈຂໍ້ມູນ-ຂ່າວສານ ແລະ ສະຖາ ນະການສາກົນທີ່ພົ້ນເດັ່ນ ໃນຍຸກໄຮ້ພົມແດນ ຈາກທ່ານ ວັນດີ ບຸດສະດີ ຮອງຫົວໜ້າຫ້ອງການກະຊວງການຕ່າງ ປະເທດ; ການຂີດຂຽນ-ຮຽບຮຽງເອກະສານພາຍໃນສະຖາບັນຄົ້ນຄວ້ານິຕິກຳ ຈາກທ່ານ ສິນທະລາ ຫຼ້າສຸກສະ ໄໝ. ຈາກນັ້ນ, ບັນດາຜູ້ເຂົ້າຮ່ວມໄດ້ນຳສະເໜີບົດເປັນກຸ່ມ ພ້ອມທັງປະກອບຄຳຄິດຄຳເຫັນຢ່າງມີຈຸດສຸມ ແລະ ສ້າງສັນ.

(ຂ່າວ ແລະ ພາບ: ນາງ ໄຊໂສພາພອນ ມິ່ງມຸງຄຸນ)