ສະພາແຫ່ງຊາດ ແຫ່ງ ສປປ ລາວ
The National Assembly of the LAO PDR

(ສພຊ) ໃນລະຫວ່າງວັນທີ 6-8 ມັງກອນ 2022 ທີ່ແຂວງຫລວງພະບາງ ກົ​ມ​ສື່ມວນ​ຊົນ ຄະນະເລຂາທິການສະພາແຫ່ງຊາດ ໄດ້ຈັດກອງປະຊຸມເຝິກ​ອົບ​ຮົມ ໃນ​ຫົວ​ຂໍ້ “ການສ້າງສາລະຄະດີ, ສຳເນົາຮູບພາບ-ວີດີໂອ, ຕັດຕໍ່ສາລະຄະດີ ແລະ ການຂຽນຂ່າວສື່ອອນລາຍ”  ໂດຍການເປັນປະທານຂອງທ່ານ ສິງຄຳ ວົງພະຈັນ ຮອງເລຂາທິການສະພາແຫ່ງຊາດ ທັງເປັນຜູ້ຊີ້ນໍາວຽກງານສື່ມວນຊົນ ສະພາແຫ່ງຊາດ; ເຂົ້າຮ່ວມມີຮອງເລຂາທິການສະພາປະຊາຊົນແຂວງ ຈາກ 6 ແຂວງພາກເໜືອພ້ອມດ້ວຍພາກສ່ວນກ່ຽວຂ້ອງ.

ເພື່ອຊ່ວຍສະພາປະຊາຊົນຂັ້ນແຂວງ ໃນການສ້າງສາລະຄະດີຜົນງານການເຄື່ອນໄຫວຂອງສະພາປະຊາຊົນຂັ້ນແຂວງ ຊຸດທີ I ແລະ ເພື່ອເປັນການຍົກສູງຄຸນນະພາບຂອງວຽກງານສື່ມວນຊົນ ໃນຖານະເປັນກະບອກສຽງຂອງສະພາແຫ່ງຊາດ; ພ້ອມກັນນັ້ນ, ກໍເພື່ອໂຄສະນາເຜີຍແຜ່ການເຄື່ອນໄຫວຂອງອົງການນິຕິບັນຍັດ ເປັນຕົ້ນແມ່ນການ​ຈັດຕັ້ງ​ປະ​ຕິ​ບັດ 3 ພາ​ລະ​ບົດ​ບາດ​ຂອງສະພາແຫ່ງຊາດ ກໍ​​ຄືສະພາປະຊາຊົນຂັ້ນແຂວງ ໃຫ້​ມວນ​ຊົ​ນ​ຮັບ​ຮູ​້ ແລະ ເຂົ້າ​ໃຈຢ່າງກວ້າງ​ຂວາງ; ກອງ​ປະ​ຊຸມ​ຈະ​ໄດ້ດຳ​ເນີນ​ໄປ​ເປັນ​ເວ​ລາ 3 ວັນ ໂດຍ​ຈະ​ໄດ້ຄົ້​ນ​ຄວ້າ, ປຶກ​ສາ​ຫາ​ລື ກ່ຽວ​ກັບ​ເນື້ອ​ໃນ​ຕ່າງ​ໆ ເປັນຕົ້ນຄວາມຮູ້ພື້ນຖານການຂຽນບົດການສ້າງສາລະຄະດີ ແລະ​ວິ​ທີ​ການ​ສ​ຳ​າເນົາ​ຮູບ​ພາບ-ວິ​ດີ​ໂອ; ເຕັກນິກພື້ນຖານການຖ່າຍທຳການສ້າງສາລະຄະດີ ແລະ ຕັດຕໍ່ສາລະຄະດີ ແລະ ຫຼັກ​ການຂຽນຂ່າວລົງສື່​ອອນ​ລາຍ.

(ພາບ ແລະ ຂ່າວ: ສົມນຶກ ແກ້ວໄຊຍະຈັກ)