(ສພຊ) ໃນບ່າຍວັນທີ 28 ມິຖຸນາ 2023 ໂດຍການເປັນປະທານກອງປະຊຸມຂອງທ່ານ ປອ. ໄຊສົມພອນ ພົມວິຫານ ປະທານສະພາແຫ່ງຊາດ, ໂອກາດດັ່ງກ່າວ ທ່ານ ບັນດິດ ສຈ. ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ ໄດ້ຊີ້ແຈງຕໍ່ຄໍາຊັກຖາມ ທີ່ສະມາຊິກສະພາແຫ່ງຊາດໃຫ້ຄວາມສົນໃຈ ຕໍ່ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ IX. ຈາກນັ້ນ, ບັນດາທ່ານ ສະມາຊິກສະພາແຫ່ງຊາດ ກໍໄດ້ມີຄໍາຊັກຖາມເພີ່ມຕື່ມ ຕໍ່ບັນຫາທີ່ຍັງມີຄວາມສົນໃຈ. ຫຼັງຈາກນັ້ນ, ທ່ານລັດຖະມົນຕີກະຊວງເຕັກໂນໂລຊີ ແລະ ການສື່ສານ ກໍໄດ້ຊີ້ແຈງເພີ່ມຕື່ມຢ່າງກົງໄປກົງມາ ແລະ ມີເຫດມີຜົນ ຕໍ່ບັນດາຄໍາຊັກຖາມຂອງສະມາຊິກສະພາແຫ່ງຊາດ.