ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

    (ສພຊ) ວັນທີ 3 ມີນາ 2022 ທີ່ສະພາແຫ່ງຊາດ, ໄດ້ມີພິທີມອບ-ຮັບໃບຍ້ອງຍໍຂອງປະທານຄະນະປະຈຳສະພາແຫ່ງຊາດ ໃຫ້ແກ່ລັດວິສາຫະກິດວິສະວະກຳຄົມມະນາຄົມ ເພື່ອເປັນການສັນລະເສີນຄຸນງາມຄວາມດີ ແລະ ຈາລຶກບຸນຄຸນ ທີ່ໃຫ້ການຊ່ວຍເຫຼືອແກ່ສະພາແຫ່ງຊາດຕະຫລອດມາ ໂດຍຕາງໜ້າກ່າວມອບຂອງທ່ານ ສິງຄຳ ວົງພະຈັນ ຮອງເລຂາທິການສະພາແຫ່ງຊາດ ກ່າວຮັບໂດຍທ່ານ ບຸນເລືອງ ແກ້ວປະເສີດ ຮອງອຳນວຍການລັດວິສາຫະກິດວິສະວະກຳຄົມມະນາຄົມ; ເຂົ້າຮ່ວມມີຫົວໜ້າ-ຮອງຫົວໜ້າກົມ ແລະ ພະນັກງານ-ລັດຖະກອນທີ່ກ່ຽວຂ້ອງເປັນສັກຂີພິຍານ.

ໃນພິທີ, ທ່ານ ສິງຄຳ ວົງພະຈັນ ໄດ້ສະແດງຄວາມຂອບໃຈ ແລະ ຍ້ອງຍໍຊົມເຊີຍ ຕໍ່ລັດວິສາຫະກິດວິສະວະກຳຄົມມະນາຄົມ ທີ່ໄດ້ໃຫ້ການສະໜັບສະໜູນຊ່ວຍເຫລືອຕໍ່ສະພາແຫ່ງຊາດຕະຫລອດມາ ໂດຍສະເພາະການປະກອບສ່ວນຊ່ວຍເຫລືອລ້າໃນການກໍ່ສ້າງທາງຮອບນອກ ແລະ ທາງເຂົ້າ-ອອກ ສະພາແຫ່ງຊາດ ລວມມູນຄ່າ 126.174.400 ກີບ.

(ພາບ ແລະ ຂ່າວ: ອາລິນ ສຸພິມມະປະດິດ)