(ສພຊ) ວັນທີ 20 ມິຖຸນາຜ່ານມາ, ທີ່ຕຶກອາຄານຄະນະເລຂາທິການສະພາແຫ່ງຊາດ ໄດ້ມີພິທີມອບ-ຮັບລົດຊ່ວຍເຫລືອ ດັບເພິງ ຈຳນວນ 2 ຄັນ ຈາກມູນນິທິສະຫວັດດີການ ແລະ ສັງຄົມ GO&DO ສ.ເກົາຫຼີ ໃຫ້ແກ່ສະພາປະຊາຊົນແຂວງອັດຕະປື ເພື່ອນໍາໃຊ້ເຂົ້າໃນວຽກງານວິຊາສະເພາະທີ່ກ່ຽວຂ້ອງຂອງແຂວງ; ຕາງໜ້າມອບໂດຍທ່ານ ປອ. ບຸນທັນ ບຸນວິໄລ ຮອງເລຂາທິການສະພາແຫ່ງຊາດ ແລະ ຮັບໂດຍທ່ານ ພັອ. ປອ. ບຸນຊູ ສຸລິນັນທອງ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 17 ແຂວງອັດຕະປື ໂດຍການເຂົ້າຮ່ວມເປັນສັກຂີພິຍານຂອງທ່ານ ແສງອາລຸນ ກຸນລະວົງ ເລຂາທິການສະພາປະຊາຊົນແຂວງອັດຕະປື ແລະ ທ່ານ ອປ. ອາລຸນຍະເດດ ຣາຊະພົນ ຫົວໜ້າກົມບໍລິຫານ-ພິທີການ.

(ພາບ ແລະ ຂ່າວ: ນາງ ກຸກກິກ ບຸດດາໄຊ)