(ສພຊ) ໃນວັນທີ 6 ກໍລະກົດຜ່ານມາ, ທີ່ຫ້ອງປະຊຸມສະພາແຫ່ງຊາດ ກຳມາທິການປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ໄດ້ມອບຄອມພິວເຕີໂນດບຸກ ຈຳນວນ 4 ໜ່ວຍ ແລະ ອຸປະກອນຄອມພິວເຕີ ຈຳນວນ 4 ຊຸດ ໃຫ້ສະພາປະຊາຊົນແຂວງຫຼວງນ້ຳທາ ເພື່ອນໍາໃຊ້ເຂົ້າໃນວຽກງານວິຊາສະເພາະທີ່ກ່ຽວຂ້ອງ; ກ່າວມອບໂດຍທ່ານ ປອ.ພົຕ. ວົງສັກ ພັນທະວົງ ກຳມະການຄະນະປະຈຳ, ປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ແລະ ກ່າວຮັບໂດຍທ່ານ ຄຳຟອງ ອິນມານີ ປະທານສະພາປະຊາຊົນແຂວງຫຼວງນ້ຳທາ ພິທີມອບ-ຮັບດັ່ງກ່າວ ໂດຍການເຂົ້າຮ່ວມເປັນສັກຂີພິຍານຂອງທ່ານ ຮອງປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ, ບັນດາທ່ານ ສະມາຊິກສະພາແຫ່ງຊາດ, ຮອງເລຂາທິການສະພາປະຊາຊົນແຂວງຫຼວງນໍ້າທາ, ຫົວໜ້າກົມປ້ອງກັນຊາດ, ກົມປ້ອງກັນຄວາມສະຫງົບ ສະພາແຫ່ງຊາດ.