ໃນລະຫວ່າງວັນທີ 12-16 ກຸມພາ 2024 ທ່ານ ພັທ ຫົງທອງ ໂຍມມະນີ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງງາ ແລະ ທ່ານ ສົມສັກ ຈັນຄໍາທະວົງສາ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງງາ ໄດ້ລົງເຄື່ອນໄຫວພົບປະຜູ້ມີສິດເລືອກຕັ້ງ ແລະ ເຜີຍແຜ່ເນື້ອໃນຜົນສຳເລັດຂອງກອງປະຊຸມສະ ໄໝສາມັນເທືອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ຢູ່ເມືອງງາ ລວມໄດ້ 10 ຈຸດ, 10 ບ້ານຄື: ບ້ານ ພູຈີ, ຫ້ວຍໂອ, ນາເໝືອງ, ຫ້ວຍຈັນ, ພູກໍ, ພູສູງນ້ອຍ, ມົກລອຍ, ຄອນທອຍ, ບ້ານຖໍ້າ ແລະ ບ້ານ ແກ່ວ ມີເລຂາພັກກຸ່ມບ້ານ, ນາຍບ້ານ, ອົງການປົກຄອງບ້ານ ແລະ ພໍ່ແມ່ປະຊາຊົນເຂົ້າຮັບຟັງທັງໝົດ 786 ຄົນ, ຍີງ 325ຄົນ.

 

ພ້ອມນັ້ນ, ຍັງໄດ້ນໍາເອົາເຄື່ອງນຸ່ງຫົ່ມ ຈໍານວນໜຶ່ງ ມອບໃຫ້ຄອບຄົວຜູ້ທຸກຍາກຕື່ມອີກ.