ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 18 ພຶດສະພາ 2022 ນີ້ ເວລາ 8:30 ນາທີຢູ່ທີ່ຫ້ອງປະຊຸມຂອງສະພາປະຊາຊົນແຂວງບໍ່ແກ້ວ ໄດ້ຈັດພິທີເຊັນບົດບັນທຶກການປະສານງານລະຫວ່າງ ຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ສະພາປະຊາຊົນແຂວງ ກັບ 4 ພະແນກຂົງເຂດວັດທະນະທຳ-ສັງຄົມແຂວງ
ໂດຍພາຍໃຕ້ການເປັນກຽດເຂົ້າຮ່ວມຂອງທ່ານ ນາງດາວ ໄຊເສດຖາ ກຳມະການພັກແຂວງ ຮອງປະທານສະພາປະຊາຊົນແຂວງສະພາປະຊາຊົນແຂວງ ມີບັນດາຫົວໜ້າພະແນກການທີ່ກ່ຽວຂ້ອງພ້ອມດ້ວຍພະນັກງານວິຊາການຂອງຄະນະກໍາມະການວັດທະນະທໍາ-ສັງຄົມເຂົ້າຮ່ວມ.
ພິທີດັ່ງກ່າວຄະນະຮັບຜິດຊອບໄດ້ຜ່ານມະຕິຂອງຄະນະປະຈໍາ ວ່າດ້ວຍການອະນຸມັດໃຫ້ຄະນະກໍາມະການວັດທະນະທໍາ-ສັງຄົມ ດໍາເນີນກອງປະຊຸມເຊັນບົດບັນທຶກຮ່ວມ 4 ພະແນກ ຂົງເຂດວັດທະນະທໍາ-ສັງຄົມແຂວງ ແລະ ຜ່ານຮ່າງບົດບັນທຶກການປະສານງານລະຫວ່າງຄະນະກໍາມະການວັດທະນະທໍາ-ສັງຄົມ ແລະບັນດາເຜົ່າ ສະພາປະຊາຊົນແຂວງກັບ 4 ພະແນກ ຂົງເຂດວັດທະນະທໍາ-ສັງຄົມແຂວງ ແລະໄດ້ເຂົ້າສູ່ພິທີເຊັ່ນບົດບັນທຶກ ພິທີດັ່ງກ່າວແມ່ນສໍາເລັດຕາມຄາດໝາຍ.
ພາບ ແລະ ຂ່າວ
ນາງ ຂັນຖະໜອມ ແກ້ວມະນີ