ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນບ່າຍ ວັນທີ 11 ກໍລະກົດ 2022 ທີ່ຫ້ອງປະຊຸມສະພາປະຊາຊົແຂວງ ໄດ້ຈັດໃຫ້ມີພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ ໂດຍການຂອງ ສະຫາຍ ນາງ ພອນສະຫວັນ ສັກຕິຄຸນ ເລຂາໜ່ວຍພັກສະພາປະຊາຊົນແຂວງ; ມີຄະນະໜ່ວຍໝ່ວຍພັກ, ສະມາຊິກພັກສົມບຸນ ແລະ ສໍາຮອງເຂົ້າຮ່ວມ.

ໃນພິທີໄດ້ຮັບຟັງ ສະຫາຍ ພຸດສະດີ ແສງຈອມຄຸນ ຕາງໜ້າມະຫາຊົນຜູ້ກ້າວໜ້າ 3 ສະຫາຍຂຶ້ນຜ່ານ ໃບຄໍາຮ້ອງຂໍເຂົ້າເປັນສະມາຊິກພັກປະຊາຊົນປະຕິວັດລາວ; ຮັບຟັງການຢັ້ງຢືນຈາກສະມາຊິກພັກສົມບຸນ 6 ສະຫາຍ ທີ່ໄດ້ຕິດຕາມມະຫາຊົນຜູ້ກ້າວໜ້າ 3 ສະຫາຍ ໃນໄລຍະຜ່ານມາ; ຮັບຟັງ ສະຫາຍ ພັທ ຄໍາດາ ໂສລະພົມ ຮອງເລຂາໜ່ວຍພັກ ຂຶ້ນຜ່ານ ມະຕິ ວ່າດ້ວຍການຮັບມະຫາຊົນຜູ້ກ້າວໜ້າເຂົ້າເປັນສະມາຊິກສະມາຊິກພັກ ສະບັບເລກທີ 501, 502, 503/ຄຈຂ, ລົງວັນທີ 27 ມິຖຸນາ 2022 ເຫັນດີຮັບເອົາ ສະຫາຍ ນາງ ແຫວນທອງ ດາລາສັກ, ສະຫາຍ ບຸນຫຼ້າ ຄຸນມະນີ ແລະ ສະຫາຍ ພຸດສະດີ ແສງຈອມຄຸນ ເຂົ້າເປັນສະມາຊິກພັກສໍາຮອງ ຂອງພັກປະຊາຊົນປະຕິວັດລາວ ຈາກນັ້ນ ສະຫາຍ ນາງ ພອນສະຫວັນ ສັກຕິຄຸນ ໄດ້ກ່າວຮັບມະຫາຊົນຜູ້ກ້າວໜ້າເຂົ້າເປັນສະມາຊິກສະມາຊິກພັກ. ພ້ອມກັນນັ້ນສະຫາຍຍັງໄດ້ໃຫ້ໂອວາດຕັກເຕືອນແກ່ມະຫາຊົນຜູ້ກ້າວໜ້າທີ່ເຂົ້າເປັນສະມາຊິກສະມາຊິກພັກໃນຄັ້ງນີ້. ຊິ່ງມີບາງຕອນທ່ານກ່າວວ່າ: ກ່ອນອື່ນສະຫາຍກໍໄດ້ຍ້ອງຍໍຊົມເຊີຍທັງ 3 ສະຫາຍ ທີ່ເອົາໃຈໃສ່ຝືກຝົນຫຼ່ໍຫຼອມຕົນເອງຢ່າງຕັ້ງໜ້າໃນທຸກວຽກງານ ແລະ ທຸກຂະບວນການ ແລະ ສະຫາຍຍັງໄດ້ເໜັ້ນບາງຫາຕໍ່ມະຫາຊົນກ້າວໜ້າ ເປັນຕົ້ນ: ເອົາໃຈກໍາແໜ້ນກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ໃຫ້ເລີກເຊິ່ງ ແລະ ໜັກແໜ້ນ ໂດຍສະເພາະ ບັນດາເນື້ອໃນພື້ນຖານກ່ຽວກັບພັກປະຊາຊົນປະຕິວັດລາວ ເຊັ່ນ: 5 ຫຼັກການ ແລະ 3 ທິດນໍາຂອງພັກ; ໜ້າທີ່ຂອງສະມາຊິກພັກ ແລະ 11 ຂໍ້ຫ້າມສໍາລັບສະມາຊິກພັກ.

ຕອນທ້າຍຂອງພິທີສະຫາຍ ພຸດສະດີ ແສງຈອມຄຸນ ຕາງໜ້າມະຫາຊົນຜູ້ກ້າວໜ້າ 3 ສະຫາຍ ຂຶ້ນກ່າວຮັບຄໍາໂອວາດຕັກເຕືອນດັ່ງກ່າວຈາກສະຫາຍ ນາງ ພອນສະຫວັນ ສັກຕິຄຸນ ເພື່ອເປັນແນວທາງການຝືກຝົນຫຼ່ໍຫຼອມໃນຕໍ່ໜ້າ.

ພາບ-ຂ່າວ: ນາງ ສຸກສົມພອນ ແກ້ວແສງພະຈັນ.