(ສພຊ) ວັນທີ 8 ກຸມພາ 2023 ທີ່ສະພາແຫ່ງຊາດ ນະຄອນຫຼວງວຽງຈັນ, ຄະນະກຳມະການຕ້ານ, ສະກັດກັ້ນ ແລະ ຮັບມືໄພພິບັດຂອງສູນກາງຊາວໜຸ່ມປະຊາຊົນປະຕິວັດລາວ ໄດ້ນຳເອົາເຄື່ອງຄອມພິວເຕີ ຈຳນວນ 10 ຊຸດ ລວມມູນຄ່າ 50 ລ້ານກີບ ມອບໃຫ້ກອງທຶນຊ່ວຍເຫຼືອສັງຄົມ ຂອງສະພາແຫ່ງຊາດ ເຊິ່ງມອບໂດຍ ພຣະອາຈານ ປອ. ພົງສະຫວັນ ອານຸສີນ ປະທານທີ່ປຶກສາກຳມະການຕ້ານ, ສະກັດກັ້ນ ແລະ ຮັບມືໄພພິບັດຂອງສູນກາງຊາວໜຸ່ມປະຊາຊົນປະຕິວັດລາວ ພ້ອມດ້ວຍຄະນະ ແລະ ຮັບໂດຍທ່ານ ດຣ. ນາງ ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມສະພາແຫ່ງຊາດ ພ້ອມດ້ວຍຄະນະ.

ສໍາລັບເຄື່ອງທີ່ໄດ້ຮັບຄັ້ງນີ້ ແມ່ນກອງທຶນຊ່ວຍເຫຼືອສັງຄົມສະພາແຫ່ງຊາດ ຈະນຳໄປມອບຕໍ່ໃຫ້ບັນດາເມືອງໃນເຂດຫ່າງໄກສອກຫຼີກ.