(ສພຊ) ວັນທີ 2 ກັນຍາ 2022, ສະພາແຫ່ງຊາດ ໄດ້ມີພິທີມອບ-ຮັບເຄື່ອງຊ່ວຍເຫຼືອໃຫ້ປະຊາຊົນຜູ້ໄດ້ຮັບຜົນກະທົບຈາກໄພນ້ຳຖ້ວມຢູ່ແຂວງອຸດົມໄຊ ຈາກຫຼາຍພາກ ສ່ວນ ເປັນຕົ້ນ: ຄອບຄົວການນຳສະພາແຫ່ງຊາດ; ອະດີດພະນັກງານການນຳສະພາແຫ່ງຊາດ; ກຸ່ມບໍລິສັດ ທະວີໂຊກ ພັດທະນາ ຈໍາກັດ; ຕາງໜ້າອະດີດກຸ່ມນັກຮຽນວັດທະນະທໍາກອງທັບເມືອງວຽງໄຊ ແຂວງຫົວພັນ; ຕາງໜ້າສູນລວມຄຣິສຕະຈັກຂ່າວປະເສີດ; ບໍລິສັດ ກວາງຈຽນຊີນແສງສະຫວ່າງ ຂຸດຄົ້ນແຮ່ຫາຍາກ; ເຈົ້າອະທິການວັດສົມໂຮງ; ຕາງໜ້າໂຮງງານປຸງແຕ່ງໄມ້ 9 ຈະເລີນຊັບ; ກອງທຶນຊ່ວຍເຫຼືອສັງຄົມສະພາແຫ່ງຊາດ ນອກນັ້ນ, ຍັງມີ ຄອບຄົວ ແລະ ບຸກຄົນຈໍານວນໜຶ່ງ ໂດຍຜ່ານສະພາປະ ຊາຊົນແຂວງ ເພື່ອນຳໄປມອບຕໍ່ໃຫ້ປະຊາຊົນຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ແຂວງອຸດົມໄຊ ຕາງໜ້າກ່າວຮັບໂດຍທ່ານ ຄຳຈັນ ໂສຕາປະເສີດ ຄະນະປະຈໍາ, ປະ ທານກຳມາທິການບັນດາເຜົ່າ ສະພາແຫ່ງຊາດ; ເຄື່ອງທີ່ນໍາມາມອບໃນຄັ້ງນີ້ ປະກອບມີ: ເຂົ້າສານ, ອາຫານແຫ້ງ, ເຄື່ອງໃຊ້ຄົວເຮືອນ, ເຄື່ອງນຸ່ງຫົ່ມ, ອຸປະກອນການຮຽນ, ອຸປະກອນກອງນໍ້າ ແລະ ເງິນສົດຈຳນວນໜຶ່ງ ລວມມູນຄ່າ 297 ລ້ານກີບ.
(ພາບ ແລະ ຂ່າວ: ນາງ ກຸກກິກ ບຸດດາໄຊ)