ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 19 ພຶດສະພາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງໄດ້ເປີດພິທີມອບຮັບໃບຢັ້ງຢືນ, ໃບຍ້ອຍໍ ຂອງໜ່ວຍ ສະຫະພັນແມ່ຍິງ 3 ດີ , ຊາວໜຸ່ມ 4 ບຸກ ແລະ 5 ເປັນເຈົ້າກໍາມະບານ ​ໂດຍ​ການ​ເປັນ​ທານ​ຂອງ​ທ່ານ ບຸນໂຮມ ເທດທານີ ປະທານສະພາປະຊາຊົນແຂວງ, ໃຫ້ກຽດເຂົ້າຮ່ວມຂອງ 3 ອົງການຈັດຕັ້ງມະຫາຊົນຂັ້ນແຂວງ, ຄະນະໜ່ວຍຂອງ 3 ອົງການຈັດຕັ້ງມະຫາຊົນສະພາປະຊາຊົນແຂວງ, ເລຂາໜ່ວຍພັກສະພາປະຊາຊົນແຂວງ ແລະ ສະມາຊິກຂອງ 3 ອົງການຈັດຕັ້ງມະຫາຊົນ​ສະພາ​ປະ​ຊາຊົນ​ແຂວງເຂົ້າຮ່ວມ.

ໃນພິທີ ທ່ານ ນາງ ບຸນແພງ ນັນທະວົງ ປະທານໜ່ວຍສະຫະພັນແມ່ຍິງສະພາປະຊາຊົນແຂວງຕ່າງໜ້າໃຫ້ 3 ອົງການ ຈັດຕັ້ງມະຫາຊົນສະພາປະຊາຊົນແຂວງ ຜ່ານບົດສະຫຼຸບຂໍ້ແຂ່ງຂັນແມ່ຍິງ 3 ດີ, ຊາວໜຸ່ມ 4 ບຸກ, ກໍາມະບານ 5 ເປັນເຈົ້າປະ ຈໍາປີ 2021 ແລະ ວາງທິດທາງແຜນການປະຈໍາປີ 2022​ ​ເຊິ່ງ​ໃນ​ໄລຍະ​ຜ່ານ 3 ອົງການ​ຕັ້ງ​ມະຫາຊົນ​ໄດ້​ຈັດ​ຕັ້ງ​ປະຕິບັດ​ຂໍ້​ແຂ່ງ ຂັນ 3 ດີ, 4 ບຸກ ​ແລະ 5 ​ເປັນ​ເຈົ້າ ​ໄດ້​ຈັດ​ຕັ້ງ​ປະຕິບັດ​ຂໍ້​ແຂ່ງຂັນ​ຂອງ​ຕົນ​ຕາມ​ແຕ່​ລະບາດ​ກ້າວ ​ແລະ ຂັ້ນ​ຕອນ​ຕາມ​ຄໍາ​ແນະ​ນໍາ​ຂອງ​ຂັ້ນ​ເທິ່ງ ​ໂດຍ​ຕິດ​ພັນ​ກັບ​ວຽກງານ​ສຶກສາ​ອົບຮົມ​ດ້ານ​ການ​ເມືອງ​ແນວ​ຄິດ ​ໃຫ້​ສະມາຊິກ 3 ອົງການ​ຈັດ​ຕັ້ງ ມະຫາຊົນ ​ໂດຍ​ເຊື່ອມ​ຊືມ​ແນວ​ທາງ​ນະ​ໂຍບາຍ​ຂອງ​ພັກ, ກົດໝາຍ ​ແລະ ບັນດານິຕິ​ກໍາ, ​ເອົາ​ໃຈ​ໃສ່​ປະຕິບັດ​ວຽກງານ​ຂອງ​ຕາມ​ຄວາມ​ຮັບ​ຜິດ​ຊອບຂອງ​​ຕົນ  ​ແລະ ທິດ​ທາງ​ໃນ​ຕໍ່ໜ້າຈະ​ສືບ​ຕໍ່​ສຶດສາ​ອົບຮົມ​ດ້ານ​ການ​ເມືອງ​ແນວ​ຄິດ ​ໃຫ້​ສະມາຊິກ 3 ອົງການ​ຈັດ​ຕັ້ງ​ມະຫາຊົນ, ສືບ​ຕໍ່​ຈັດ​ຕັ້ງ​ປະ​ຕິ​ບັດ​ຂໍ້​ແຂ່ງ​ຂັ້ນ 3 ດີ, 4 ບຸກ ​ແລະ 5 ​ເປັນ​ເຈົ້າ ​ໃຫ້​ໄດ້​ດີກ​ວ່າ​ເກົ່າ ພ້ອມ​ທັງ​ຮັບປະກັນ​ທາງ​ດ້ານ ປະລິມານ ​ແລະ ຄຸນ​ນະພາ​ບ. ນອກນັ້ນຍັງໄດ້ຜ່ານຂໍ້ຕົກລົງມອບໃບຢັ້ງຢືນໜ່ວຍ 3 ດີ, ໜ່ວຍຊາວໜຸ່ມ 4 ບຸກ ແລະ ໜ່ວຍ ກຳມະບານ 5 ເປັນເຈົ້າ ແລະ ມອບໃບຍ້ອງຍໍໃຫ້ແກ່ສະມາຊິກຊາວໜຸ່ມສະພາປະຊາຊົນແຂວງ ທີ່ມີຜົນງານດີເດັ່ນໃນການ ປະກອບສ່ວນເຂົ້າວຽກງານຂອງຊາວໜຸ່ມຈໍານວນ 29 ສະຫາຍ, ຍິງ 15 ສະຫາຍເຊິ່ງໄດ້ຮັບໃບຍ້ອງຍໍປະເພດດີທັງໝົດ.

ໃນພິທີ ທ່ານ ບຸນໂຮມ ເທດທານີ ໄດ້ມີຄໍາເຫັນໂອລົມຕໍ່ພີທີເຊິ່ງທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ 3 ອົງການຈັດຕັ້ງມາຫາຊົນທີ່ສາມາດຈັດຕັ້ງປະຕີບັດໄດ້ໃນໄລຍະຜ່ານມາ ແລະ ທ່ານຍັງໄດ້ໂອ້ລົມຕໍ່ສະມາຊິກຂອງ 3  ອົງການຈັດຕັ້ງກໍ່ຄືພະນັກງານສະພາປະຊາຊົນແຂວງ ຈົ່ງຕໍ່ສຶກສາອົບຮົມດ້ານການເມືອງແນວໃຫ້ສະມາຊິກຂອງ 3ອົງການຈັດຕັ້ງ, ຍົກສູງໃຫ້ສືບຕໍ່ຈັດຕັ້ງປະຕີບັດພາລະບາດບົດຂອງຕົນຢ່າງຕັ້ງໜ້າ, ສືບຕໍ່ຮໍ່າຮຽນເອົາບົດຮຽນທີ່ດີເພື່ອຈັດຕັ້ງປະຕິບັດວຽກງານຂອງຕົນໃຫ້ໄດ້ຮັບຜົນສໍາເລັດ ​ແລະ ຮັກສາ​ຄວາມ​ສາມັກຄີ​ພາຍ​ໃນ​ໃຫ້​ແໜ້ນ​ແຟ້ນ ​ແລະ ພາຍ​ນອກ​ໃຫ້​ກວ້າງຂວາງ

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງ ສຸກສະຫວັນ  ອິນທະແສງ