ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນເຊົ້າວັນທີ 27 ກໍລະກົດ 2022ນີ້ໜ່ວຍພັກສະພາປະຊາຊົນ, ສານປະຊາຊົນ, ອົງການໄອຍະການປະຊາຊົນ ແລະ ພະແນກຍຸຕິທຳແຂວງ ຫລວງນ້ຳທາ ໄດ້ຈັດພິທິມອບ-ຮັບໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ຮອບທີ IV ຄັ້ງທີ IV ປະຈຳປີ 2021 ແລະ ທິດທາງແຜນການປີ 2022 ຂຶ້ນທີ່ຫ້ອງປະຊຸມສະພາປະຊາຊົນແຂວງ ພາຍໃຕ້ການເປັນປະທານຂອງສະຫາຍ ຄຳຟອງ ອີນມານີ ຮອງເລຂາພັກແຂວງ ປະທານສະພາປະຊາຊົນແຂວງ, ມີຄະນະໜ່ວຍພັກ 4 ໜ່ວຍພັກ, ພ້ອມດ້ວຍສະມາຊິກພັກສົມບຸນພາຍໃນເຂົ້າຮ່ວມທັງໝົດ 35ສະຫາຍ, ຍິງ 15ສະຫາຍ.

ໃນພິທີໄດ້ຮັບຟັງບົດສະຫລຸບຫຍໍ້ ການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງໜ່ວຍພັກພະແນກຍຸຕິທຳ, ສານປະຊາຊົນ, ອົງການໄອຍະການປະຊາຊົນ ແລະ ສະພາປະຊາຊົນແຂວງ ຮອບທີ IV, ຄັ້ງທີ IVປະຈຳປີ 2020 ແລະ ທິດທາງແຜນການປີ 2021, ເຊິ່ງໄລຍະ 1 ປີຜ່ານມາບັນດາໜ່ວຍພັກໄດ້ເອົາໃຈໃສ່ສຶກສາອົບຮົມການເມືອງແນວຄິດເປັນປົກກະຕິ, ດຳເນີນຊີວິດການເມືອງ ເພື່ອປັບປຸງປົວແປງພັກ, ຍົກສູງຄຸນນະພາບຂອງໜ່ວຍພັກ ແລະ ສະມາຊິກພັກໃຫ້ໜັກແໜ້ນ,ເຂັ້ມແຂງ ເພື່ອເສີມຂະຫຍາຍຈຸດດີ, ແກ້ໄຂຈຸດອ່ອນ ແລະ ໄດ້ຕີລາຄາເມີນຜົນໜ່ວຍພັກທັງ 4 ແມ່ນຈັດປະເພດໜ່ວຍພັກແຂງ, ສະມາຊິກພັກແຂງທັງ 4 ໜ່ວຍ 115 ສະຫາຍ, ຍິງ 47 ສະຫາຍ ແລະ ສືບຕໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ໄດ້ 10 ຄະແນນ; ສ້າງສະມາຊິກພັກປອດໃສ, ເຂັ້ມແຂງ, ໜັກແໜ້ນໃຫ້ໄດ້ 100%; ພ້ອມນັ້ນ ຍັງໄດ້ຮັບຟັງມະຕິຕົກລົງສະບັບເລກທີ 14/ຄປພຂ, ລົງວັນທີ 21 ມີນາ 2022 ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020 ແລະ ໄດ້ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020 ໃຫ້ທັງ 4 ໜ່ວຍພັກ ໂດຍໃຫ້ກຽດມອບຂອງສະຫາຍ ຄຳຟອງ ອີນມານີ ຮອງເລຂາພັກແຂວງ ປະທານສະພາປະຊາຊົນແຂວງ ຂຶ້ນຮັບໂດຍເລຂາໜ່ວຍພັກທັງ 4 ໜ່ວຍ.

ໂດຍ: ນາງ ອຳພອນ ສີປະເສີດ