ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນວັນທີ 18 ຕຸລາ 2022 ທີ່ສະພາປະຊາຊົນແຂວງຄໍາມ່ວນ ຄະນະພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງຄໍາມ່ວນ ໄດ້ມອບໂທລະໂຄ່ງ 1 ຊຸດ ໃຫ້ສະພາປະຊາຊົນແຂວງຄໍາມ່ວນ, ເຊິ່ງປະກອບດ້ວຍ ໂທລະໂຄ່ງ 2 ປາກ, ເຄື່ອງຄຸມສຽງ, ໄມ ແລະ ສາຍໄຟ ລວມມູນຄ່າທັງໝົດ 4.000.000 ກີບ ຕາງໜ້າຄະນະພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ມອບໂດຍ ທ່ານ ປອ. ສິນນະສອນ ແສງຈັນທະວົງ ຮອງຫົວໜ້າພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ຕາງໜ້າສະພາປະຊາຊົນແຂວງຄໍາມ່ວນ ຮັບໂດຍ ທ່ານ ບົວພັນ ແສງຈັນ ຮອງປະທານສະພາປະຊາຊົນແຂວງຄໍາມ່ວນ ພ້ອມດ້ວຍຄະນະ, ໃນພິທີດັ່ງກ່າວ ທ່ານ ບົວພັນ ແສງຈັນ ກໍ່ໄດ້ສະແດງຄວາມຍ້ອງຍໍຊົມເຊີຍ ແລະ ຂອບໃຈ ມາຍັງຄະນະພະແນກ ທີ່ເຫັນໄດ້ຄວາມໝາຍຄວາມສໍາຄັນ ແລະ ມີນໍ້າໃຈ ເຊິ່ງໂທລະໂຄ່ງຊຸດດັ່ງກ່າວແມ່ນ ຈະໄດ້ນຳໄປມອບໃຫ້ ບ້ານ ທີ່ມີຄວາມຮຽກຮ້ອງຕ້ອງການນຳໃຊ້ ເພື່ອເຜີຍແຜ່ແນວທາງນະໂຍບາຍ ຂອງພັກ-ລັດ ໃຫ້ປະຊາຊົນໄດ້ເຊື່ອມຊຶມ ແລະເຂົ້າໃຈ ບັນດາກົດໝາຍ ຂອງຊາດ, ນິຕິກຳຕ່າງໆ ຂອງແຂວງ ແລະ ລະບຽບຕ່າງໆຂອງບ້ານຜ່ານລະບົບໂທລະໂຄ່ງ ເຊິ່ງເປັນລະບົບໜຶ່ງທີ່ສາມາດໂຄສະນາເຜີຍແຜ່ ຂໍ້ມູນ-ຂ່າວສານ ຂັ້ນພື້ນຖານພາຍໃນບ້ານ, ສະນັ້ນສະພາປະຊາຊົນແຂວງຈະສົ່ງຕໍ່ເຖິງບ້ານ ທີ່ມີຄວາມຮຽກຮ້ອງຕ້ອງການນຳໃຊ້ເຄື່ອງດັ່ງກ່າວ.
ໂດຍ: ເອື້ອ ມະໂນສິງ