ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 21 ກໍລະກົດ 2022 ຢູ່ທີ່ຫ້ອງປະຊຸມສະພາປະຊາຊົນແຂວງ ໄດ້ເປີດພິທີມອບ-ຮັບສະມາຊິກພັກສໍາຮອງ ແລະ ມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂອງໜ່ວຍພັກສະພາປະຊາຊົນແຂວງ ຂຶ້ນໂດຍ​ໃຫ້ກຽດເປັນປະທານ ຂອງສະຫາຍ ວຽງໄຊ ສີວິໄລ ກໍາມະການພັກແຂວງ ຮອງປະທານສະພາປະຊາຊົນແຂວງ, ມີບັນດາທ່ານຄະນະປະຈໍາສະພາປະຊາຊົນແຂວງ, ຄະນະໜ່ວຍພັກ ແລະ ສະມາຊິກພັກເຂົ້າຮ່ວມ.

ໃນພິທີມະຫາຊົນກ້າວໜ້າຜ່ານໃບສະເໜີເຂົ້າເປັນສະມາຊິກພັກ, ຕ່າງໜ້າສະມາຊິກພັກສົມບູນໄດ້ຂຶ້ນຜ່ານໃບຢັ້ງຢືນຕິດຕາມມະຫາຊົນກ້າວໜ້າ, ຜ່ານຂໍ້ຕົກລົງອະນຸມັດຮັບສະມາຊິກໃໝ່ເຊິ່ງປະກອບດ້ວຍ 1 ທ່ານຄືສະຫາຍ ນາງ ບຸນສີ ພອນທະວົງ ເຂົ້າເປັນສະມາຊິກພັກສໍາຮອງຂອງໜ່ວຍພັກສະພາປະຊາຊົນແຂວງ, ຜ່ານມະຕິຕົກລົງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ໃນທີປະຊຸມຍັງໄດ້ມອບ-ຮັບສະມາຊິກພັກສໍາຮອງແລະມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂອງໜ່ວຍພັກສະພາປະຊາຊົນແຂວງ

ສະຫາຍ ວຽງໄຊ ສີວິໄລໄດ້ມີຄໍາເຫັນໂອ້ລົມຕໍ່ພິທີ ແລະ ຊີ້ນໍາຕໍ່ໜ່ວຍພັກສະພາປະຊາຊົນແຂວງກໍຄືສະມາຊິກພັກທຸກສະຫາຍຈົ່ງສືບຕໍ່ປະຕິບັດວຽກງານຕາມແຜນວຽກທີ່ວາງອອກໃຫ້ສໍາເລັດຕາມລະດັບຄາດໝາຍທີ່ວາງໄວ້, ສືບຕໍ່ຝຶກຝົນຫຼໍ່ຫຼອມຕົນເອງໂດຍສະເພາະແມ່ນການຊອກຮໍ່າຮຽນໃນດ້ານຕ່າງໆ ເພື່ອມາພັດທະນາຕົນເອງ, ຈົ່ງມີສະຕິຕໍ່ການຈັດຕັ້ງ,   ເພີ່ມທະວີສ້າງມະຫາຊົນຜູ້ກ້າວໜ້າເຂົ້າເປັນສະມາຊິກພັກຕື່ມອີກ ແລະ ເອົາໃຈໃສ່ເຂົ້າຮ່ວມຂະບວນການຕ່າງໆ ນໍາບັນດາພະແນກການອ້ອມຂ້າງແຂວງ.

ສະຫາຍ ນາງ ບຸນສີ ພອນທະວົງ ສະມາຊິກພັກສໍາຮອງໃໝ່ໄດ້ຂຶ້ນຮັບຄໍາໂອ້ວາດ ແລະ ໃຫ້ປະຕິຍານຕົນວ່າ ຈະປົກປັກຮັກສາ ແລະ ປະຕິບັດແນວທາງ, ແຜນນະໂຍບາຍຂອງພັກ, ເຄົາລົບກົດລະບຽບພັກ, ກົດໝາຍ ແລະ ລະບຽບການຂອງລັດ, ຈະປະຕິດບັດສິດ,ໜ້າທີ່ແລະຂໍ້າຫ້າມຂອງສະມາຊິກພັກຢ່າງເຂັ້ມງວດ, ຈະຮັກສາຄວາມລັບຂອງພັກ, ຂອງຊາດ, ຈະຈົ່ງຮັກພັກດີຕໍ່ການຈັດຕັ້ງແລະປະຊາຊົນ ແລະ ຈະກຽມພ້ອມເສຍຫຼະທຸກສິ່ງທຸກຢ່າງເພື່ອ ປະເທດຊາດ ແລະປະຊາຊົນ.

ສະພາປະຊາຊົນແຂວງຊຽງຂວາງ

ຂ່າວໂດຍ: ນາງ ສຸກສະຫວັນ ອິນທະແສງ