ເນື້ອງໃນໂອກາດທີ່ ທ່ານ ສົມພອນ ສີອຸດົມພັນ ກຳມະການພັກແຂວງ, ຮອງປະທານຄະນະສະມາຊິກສະພາແຫ່ງຊາດເຂດ6 ຮອງປະທານສະພາປະຊາຊົນແຂວງລົງເຄື່ອນໄຫວວຽກງານ ແລະ ເຮັດວຽກຮ່ວມກັບສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງຈອມເພັດ ກ່ຽວກັບການເຄື່ອນໄຫວ

ວຽກງານປະຕິບັດສາມພາລະບົດບາດ, ສິດ ແລະ ໜ້າທີ່ ຂອງສະພາປະຊາຊົນແຂວງ ໃນຖານະເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນການລົງເຮັດວຽກໃນຄັ້ງນີ້ ທ່ານ ສົມພອນ ສີອຸດົມພັນ ເປັນໃນນາມຕາງໜ້າຄະນະປະຈໍາສະພາປະຊາຊົນແຂວງ ໄດ້ມອບຄອມພິວເຕີ ຈໍານວນ 1 ຊຸດ, ມູນຄ່າ: 5.500.000ກີບ ໃຫ້ໜ່ວຍງານຊ່ວຍວຽກ ແລະ ໃຫ້ກຽດຮັບໂດຍ ທ່ານ ນາງ ຈັນດີ ເຢັງວື ຮອງເລຂາພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງຈອມເພັດ ເພື່ອເປັນການຊູກຊູ້ ແລະ ຊ່ວຍອໍານວຍຄວາມສະດວກໃນການປະຕິບັດໜ້າທີ່ວຽກງານການມອບ-ຮັບໃນຄັ້ງນີ້ ທ່ານ ນາງ ຈັນດີ ເຢັງວື ຮອງເລຂາພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງຈອມເພັດ ຍັງໄດ້ ຂອບໃຈຕໍ່ຄວາມເປັນຫ່ວງເປັນໃຍຕໍ່ຄະນະສະມາຊິກສະພາປະຊາຊົນແຂວງ ປະຈໍາເມືອງຈອມເພັດ,

ໂອກາດດຽວກັນ ທ່ານ ສົມພອນ ສີອຸດົມພັນ ຮອງປະທານສະພາປະຊາຊົນແຂວງ ຍັງໄດ້ເນັ້ນໜັກໃຫ້ສະມາຊິກສະພາປະຊາຊົນແຂວງ ແລະ ພະນັກງານຊ່ວຍວຽກ ເອົາໃຈໃສ່ປະຕິບັດພາລະບົດບາດ, ສິດ ແລະ ໜ້າທີ່ຂອງຕົນໃຫ້ມີປະສິດທິພາບ ແລະ ປະສິດທິຜົນຂຶ້ນກວ່າເກົ່າ.

​​​​​​​ຂ່າວ ນາງ ຄໍາຫຼ້າ ພອນພິລາ