ໃນຕອນບ່າຍ ຂອງວັນທີ 10 ມີນາ 2022 ສະຫະພັນແມ່ຍິງຮາກຖານ ສະພາປະຊາຊົນແຂວງ ໄດ້ຈັດພິທີປະຖະກະຖາເລົ່າມູນເຊື້ອວັນແມ່ຍິງສາກົນ ຄົບຮອບ 112 ປີ  ໃຫ້ແກ່ສະມາຊິກແມ່ຍິງ ທີ່ຫ້ອງປະຊຸມຂອງສະພາປະຊາຊົນແຂວງ ໂດຍການເປັນປະທານ ຂອງສະຫາຍ ນາງ ພອນສະຫວັນ ສັກຕິຄຸນ ເລຂາໜ່ວຍພັກສະພາປະຊາຊົນແຂວງ, ເລຂາທິການສະພາປະຊາຊົນແຂວງ, ເປັນກຽດເຂົ້າຮ່ວມໂດຍ ສະຫາຍ ສົມຈິດ ຫັບລະກອນ ກໍາມະການປະຈໍາພັກແຂວງ, ຮອງປະທານສະພາປະຊາຊົນແຂວງ, ມີຄະນະສະຫະພັນແມ່ຍິງຮາກຖານ ສະພາປະຊາຊົນແຂວງ ພ້ອມດ້ວຍ ສະມາຊິກສະຫະພັນແມ່ຍິງຮາກຖານ ຂອງສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ. ໃນພິທີໄດ້ຮັບຟັງ ທ່ານ ນາງ ພອນສະຫວັນ ສັກຕິຄຸນ ເລົ່າຄືນມູນເຊື້ອວັນແມ່ຍິງສາກົນ ຄົບຮອບ 112 ປີ (8 ມີນາ 1910 – 8 ມີນາ 2022). ໃນໂອກາດດຽວກັນນີ້, ທ່ານ ສົມຈິດ ຫັບລະກອນ ຍັງໄດ້ໃຫ້ກຽດມອບໃບຍ້ອງຍໍ (ຄະນະບໍລິຫານງານສູນກາງສະຫະພັນແມ່ນຍິງລາວ) ໃຫ້ກັບ ສະມາຊິກສະຫະພັນແມ່ຍິງຮາກຖານ ຂອງສະພາປະຊາຊົນແຂວງ ຈໍານວນ 23 ສະຫາຍ, ທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ສະໄໝທີ VII (2016-2020).

ພາບ-ຂ່າວ: ສູນທອງ ວິໄລຈິດ