ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຕອນເຊົ້າເວລາ 9:00 ໂມງ, ຂອງວັນທີ 5 ສິງຫາ 2022 ທີ່ຫ້ອງປະຊຸມສະພາປະຊາຊົນແຂວງ ໄດ້ທົດລອງນໍາໃຊ້ລະບົບການລົງຄະແນນສຽງແບບເອເລັກໂຕຣນິກຂຶ້ນ ໂດຍພາຍໃຕ້ການເປັນປະທານ ທ່ານ ຄໍາດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງ, ມີບັນດາທ່ານຄະນະປະຈໍາ ສພຂ, ສະມາຊິກສະພາປະຊາຊົນແຂວງ ອ້ອມຂ້າງ ແລະ ຄະນະຮັບຜິດຊອບຈາກພະແນກເຕັກໂນໂລຊີ ແລະ ການສື່ສານແຂວງເຂົ້າຮ່ວມຢ່າງພ້ອມພຽງ.

ການພັດທະນາລະບົບການລົງຄະແນນສຽງແບບເອເລັກໂທນິກດັ່ງກ່າວ ແມ່ນໄດ້ຮັບການສະໜັບສະໜູນຈາກພະແນກເຕັກໂນໂລຊີ ແລະ ການສື່ສານແຂວງ ຮ່ວມກັບ ສະພາປະຊາຊົນແຂວງ ເພື່ອຮອງຮັບການລົງຄະແນນສຽງຮັບຮອງເອົາບັນດານິຕິກຳ ຂອງສະມາຊິກສະພາປະຊາຊົນແຂວງ ໃນກອງປະຊຸມສະພາປະຊາຊົນແຂວງ ໃນແຕ່ລະຄັ້ງ ໃຫ້ມີຄຸນນະພາບ, ມີຄວາມສະດວກ ແລະ ວອງໄວ, ເຊິ່ງຈະເລີ່ມນໍາໃຊ້ເປັນຄັ້ງທໍາອິດ ຢູ່ໃນກອງປະຊຸມສະ ໄໝສາມັນເທື່ອທີ 3 ຂອງສະພາປະຊາຊົນແຂວງອຸດົມໄຊ ຊຸດທີ II ທີ່ຈະດຳເນີນໃນຄັ້ງວັນທີ 09-10 ສິງຫາ 2022 ນີ້.

ພາບ/ຂ່າວ: ສພຂ.