ຕອນເຊົ້າຂອງວັນທີ 30 ມີນາ 2022 ນີ້, ທ່ານ ນາງ ດາວມະນີ ປະສານສອນ ຮອງຫົວໜ້າຫ້ອງການບໍລິຫານ ແລະ ຈັດຕັ້ງ ຕາງໜ້າໃຫ້ພະແນກກະສິກຳ ແລະ ປ່າໄມ້ແຂວງສາລະວັນ ມອບເງິນ ຈຳນວນ 20 ລ້ານກີບ ໃຫ້ສະພາປະຊາຊົນແຂວງສາລະວັນ, ເພື່ອສົມທົບເຂົ້າໃສ່ການສ້ອມແປງຕໍ່ເຕີມອາຄານ, ປູເດີ່ນ ແລະ ຮົ້ວອ້ອມ ຂອງຫ້ອງການສະພາປະຊາຊົນແຂວງ ຫຼັງໃໝ່ ຕັ້ງຢູ່ບ້ານຫຼັກສອງ ເມືອງ ແລະ ແຂວງສາລະວັນ; ໃຫ້ກຽດຮັບໂດຍ ທ່ານ ຂັນໄຊ ລັດຖະເຮົ້າ ຄະນະປະຈໍາພັກແຂວງ ຮອງປະທານ ສະພາປະຊາຊົນແຂວງ ເຂົ້າຮ່ວມເປັນສັກຂີພະຍານໃນຄັ້ງນີ້ມີຮອງປະທານສະພາປະຊາຊົນແຂວງ, ເລຂາທິການ ສະພາປະຊາຊົນແຂວງ ພ້ອມດ້ວຍພະນັກງານ-ລັດຖະກອນ ເຂົ້າຮ່ວມໃນຄັ້ງນີ້.
ພ້ອມດຽວກັນ,ທ່ານ ຂັນໄຊ ລັດຖະເຮົ້າ ຮອງປະທານສະພາປະຊາຊົນແຂວງສາລະວັນ ກໍ່ໄດ້ສະແດງຄວາມຂອບໃຈ ມາຍັງພະແນກກະສິກຳ ແລະ ປ່າໄມ້ແຂວງ ທີ່ປະກອບສ່ວນຊ່ວຍເຫຼືອໃນຄັ້ງນີ້ ແລະ ໃຫ້ຄຳໝັ້ນສັນຍາວ່າຈະນຳໃຊ້ເຂົ້າໃນວຽກງານສ້ອມແປງຕໍ່ເຕີມຫ້ອງການສະພາຫຼັງໃໝ່ໃຫ້ສຳເລັດ ແລະ ທັນຕາມກຳນົດເວລາ.

ພາບແລະຂ່າວ: ດີລຳພົນ ພົມມະຈັນ