ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ໃນຕອນເຊົ້າວັນທີ 27 ຕຸລາ 2022 ຢູ່ທີ່ຫ້ອງປະຊຸມສະພາປະຊາຊົນແຂວງສະຫວັນນະເຂດ ໄດ້ຈັດຝຶກອົບຮົມວຽກງານໄອທີ ກ່ຽວກັບການນໍາໃຊ້ ອຸປະກອນສະມາດບ໊ອດ ແລະ ການນຳໃຊ້ໂປແກຼມຄວບຄຸມ, ຕິດຕາມກອງປະຊຸມທາງໄກ ໃຫ້ກຽດເປັນປະທານໂດຍທ່ານ ຂັນທອງ ຄົມທິລາດ ຮອງເລຂາທິການສະພາປະຊາຊົນແຂວງ ມີບັນດາທ່ານຫົວໜ້າ-ຮອງຫົວໜ້າຂະແໜງ ພ້ອມດ້ວຍພະນັກງານວິຊາການຈຳນວນໜຶ່ງຈາກ 10 ຂະແໜງພາຍໃນສະພາປະຊາຊົນແຂວງເຂົ້າຮ່ວມ.

ຈຸດປະສົງໃນການຈັດຝຶກອົບຮົມຄັ້ງນີ້ ກໍເພື່ອສ້າງຄວາມເຂັ້ມແຂງໃຫ້ແກ່ພະນັກງານ-ລັດຖະກອນ ທີ່ເປັນເສນາທິການຊ່ວຍວຽກ ຂອງສະພາປະຊາຊົນແຂວງສະຫວັນນະເຂດ ເປັນການຍົກລະດັບຄວາມຮູ້,ຄວາມສາມດໃນວຽກງານໄອທີ ໃຫ້ເລີກເຊິ່ງຂື້ນກວ່າເກົ່າ ຊຶ່ງໃນກອງປະຊຸມແມ່ນໄດ້ຮັບຟັງການນໍາສະເໜີ ແລະ ບັນຍາຍເນື້ອໃນເອກະສານຈາກນັກວິທະຍາກອນທີ່ມີຄວາມຮູ້,ຄວາມສາມາດ, ມີປະສົບການຕົວຈິງ ຈາກສະພາປະຊາຊົນແຂວງ ເປັນຕົ້ນແມ່ນການນໍາໃຊ້ໂປແກຼມຄວບຄຸມກອງປະຊຸມທາງໄກ ເຊິ່ງຜູ້ເຂົ້າຮ່ວມແມ່ນໄດ້ມີການປະຕິບັດຕົວຈິງ  ແລະ ສາມາດນໍາເອົາບົດຮຽນທີ່ໄດ້ໃນຄັ້ງນີ້ ໄປໝູນໃຊ້ເຂົ້າໃນວຽກງານຕົວຈິງໃຫ້ເກີດດອກອອກຜົນ ເຮັດໃຫ້ແຜນການຈັດຝຶກອົບຮົມ ໄດ້​ຮັບ​ຜົນສຳ​ເລັດ​ຕາມ​ຈຸດປະສົງ​ ແລະ ລະດັບຄາດໝາຍທີ່ວາງໄວ້ອີກດ້ວຍ.