ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ຜົນການແຂ່ງຂັນລົດຖີບມິດຕະພາບ ລາວ-ຫວຽດນາມ ປະຈໍາປີ 2022

ກ.ຍ. 27, 2022 | SlideMobile

(ສພຊ) ໃນວັນທີ 24 ກັນຍາ 2022 ສະພາແຫ່ງຊາດ ໄດ້ຈັດງານແຂ່ງຂັນລົດຖີບມິດຕະພາບ ລາວ-ຫວຽດນາມ ປະຈໍາປີ 2022 ເພື່ອຊິງຂັນປະທານສະພາແຫ່ງຊາດ ເຊິ່ງງານດັ່ງກ່າວ ໄດ້ຮັບການສະໜັບສະໜູນຫຼັກຈາກ ທະນາຄານພັດທະນາລາວ ຈໍາກັດ.
ການແຂ່ງຂັນຄັ້ງນີ້ ປະກອບມີ 2 ຮຸ່ນຄື: ຮຸ່ນໂອເພັນ ແລະ ຮຸ່ນອາຍຸ 40 ປີຂຶ້ນໄປ ໃນໄລຍະທາງແຂ່ງຂັນ 55 ກິໂລແມັດ ເຊິ່ງມີຜູ້ລົງທະບຽນແຂ່ງຂັນທັງໝົດ 160 ກວ່າທ່ານ. ຜ່ານການແຂ່ງຂັນສາມາດສະຫຼຸບໄດ້ດັ່ງນີ້: ຮຸ່ນໂອເພັນ ທີ 1 ທ່ານ ຖາວອນ ພົນອາສາ ທີມທ໊ອບໄຊເຄິນ, ທີ 2 ທ່ານ ທະນະບຸນ ຕີນ້ອຍ ທີມທ໊ອບໄຊເຄິນ, ທີ 3 ທ່ານ ສຸດທິສັກ ວັນດີລາ ທີມທ໊ອບໄຊເຄິນ, ທີ 4 ທ່ານ ຟອງສະມຸດ ທີມແຂວງວຽງຈັນ ແລະ ທີ 5 ທ່ານ ຕຸ່ນຄໍາ ທີມແຂວງວຽງຈັນ; ສໍາລັບຮຸ່ນອາຍຸ 40 ປີຂຶ້ນໄປ ທີ 1 ທ່ານ ອຸດ ທີມແຂວງວຽງຈັນ, ທີ 2 ທ່ານ ພຸດທະສອນ ອິນທະມິດ ທີມທ໊ອບໄຊເຄິນ, ທີ 3 ທ່ານ ປີ້ ວາຕາຊິ ທີມທ໊ອບໄຊເຄິນ, ທີ 4 ທ່ານ ບີ້ ທີມອີຊີໄບ້ ແລະ ທີ 5 ທ່ານ ວິສຸພັນ ທີມລາວ ໂປຣໄຊຄຣິງ.