(ສ​ພ​ຊ) ກອງ​ປະ​ຊຸມ​ປຶກ​ສາ​ຫາ​ລື​ວຽ​ກ​ງານກວດ​ກາ​ຂອງ​ສະ​ຫະ​ພັນ​ກຳ​ມະ​ບານສະ​ພາ​ແຫ່ງ​ຊາດ ໄດ້​ຈັດ​ຂຶ້ນ​ໃນ​ວັນ​ທີ 8 ກັນ​ຍາ 2022 ທີ່​ຫໍ​ສະ​ພາ​ແຫ່ງ​ຊາຊາໂດຍການ​ເປັນ​ປະ​ທານ​ຂອງ​ສະ​ຫາຍ​ ອຳ​ໄພ ຈິດ​ມາ​ນົນ ປະ​ທານ​ຄະ​ນະ​ບໍ​ລິ​ຫານ​ງານ​ສະ​ຫະ​ພັນ​ກຳ​ມະ​ບານ​ສະ​ພາ​ແຫ່ງ​ຊາດ, ເຂົ້າ​ຮ່ວມ​ມີ​ບັນ​ດາສະ​ຫາຍປະ​ທານກວດ​ກາ ແລະ ຜູ້​ຊ່ວຍ​ວຽກ​ກວດ​ກາຈາກ​ກຳ​ມະ​ບານ​ຮາກ​ຖານ ແລະ ຜູ້​ຊ່ວຍ​ວຽກ​ກວດ​ກາ​ຂອງ​ໜ່ວຍກຳມະບານທີ່​ຂຶ້ນ​ກັບ​ຄະນະກຳ​ມະ​ບານ​ຮາກ​ຖານ​ຄະ​ນະ​ເລ​ຂາ​ທິ​ການ​ສະ​ພາ​ແຫ່ງ​ຊາດ.

ໃນ​ກອງ​ປະ​ຊຸມ, ສະຫາຍ ນາງ ຫວັນ​ໄຊ ຈັນ​ທະ​ລາ ປະ​ທານກວດ​ກາ​ສະ​ຫະ​ພັນ​ກຳ​ມະ​ບານ​​ສະ​ພາ​ແຫ່ງ​ຊາດ ໄດ້ເຜີຍ​ແຜ່​ຂໍ້​ກ​ຳ​ນົດ​ວ່າ​ດ້ວຍ​ການກວ​ດ​ກາ​ການ​ປະ​ຕິ​ບັດ​ວຽກ​ງານ​ຂອງ​ສະ​ມາ​ຊິກກ​ຳ​ມ​ະ​ບານ​ພາຍ​ໃນ​ສະ​ພາ​ແຫ່ງ​ຊາດ ສະ​ບັບ​ເລກ​ທີ 93/ສ​ພບ.ສ​ພ​ຊ, ລົງ​ວັນ​ທີ 7 ທັນ​ວາ 2021, ແຈ້ງ​ການ​ຂອງ​ສະ​ຫະ​ພັນ​ກຳ​ມະ​ບານ​ລາວ ກ່ຽວ​ກັບ​ການ​ສສະຫຼຸບ​ລາຍ​ງານ​ວຽກ​ງານ​ຕິດ​ຕາມກວດ​ກາ​ຂອງ​ສະ​ຫະ​ພັນ​ກຳ​ມະ​ບານ​ລາວ ສະ​ບັບ​ເລກ​ທີ 1028/ຫກ, ລົງວັນ​ທີ 15 ສິງ​ຫາ 2022 ແລະ ຜ່ານ​ຮ່າງ​ບບົດສະຫຼຸບວຽກງານກວດກາ ກຳມະບານ ພາຍໃນສະພາແຫ່ງຊາດ ແລະ ທິດທາງແຜນການເຄື່ອນໄຫວໃນ​ຕໍ່​ໜ້າ. ພ້ອມ​ນັ້ນ, ຍັງ​ໄດ້​ມີ​ການ​ປຶກ​ສາ​ຫາ​ລືກ່ຽວ​ກັບ​ຂໍ້​ສະ​ດວກ ແລະ ຂໍ້​ຫຍຸ້ງ​ຍາກ​ໃນ​ການ​ປະ​ຕິ​ບັດ​ວຽກ​ງານ​ຜ່ານ​ມາ ແລະ ທິດ​ທາງ​ແຜນ​ການ​ເຄື່ອນ​ໄຫວ​ໃນ​ຕໍ່​ໜ້າ​ຂອງ​ສະ​ຫະ​ພັນ​ກຳ​ມະ​ບານ​ສະ​ພາ​ແຫ່ງ​ຊາດ ແລະ ບັນ​ດາ​ສະ​ຫາຍ​ທີ່​ເຂົ້າ​ຮ່​ວມກໍ​ໄດ້​ຜັດ​ປ່ຽນ​ກັນ​ລາຍ​ງານ​ສະ​ພາບ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານກວດ​ກາ​ໃນ​ໄລ​ຍະ​ຜ່ານ​ມາ​ ແລະ ມີ​ຄຳ​ເຫັນ, ຂໍ້ສະ​ເໜີ​ແລ​ກ​ປ່ຽນ​ບົດ​ຮຽນ​ເຊິ່ງກັນ ແລະ​ ກັນ ​ເຮັດ​ໃຫ້​ກອງ​ປະ​ຊຸມ​ສ​ຳ​ເລັດດ້ວຍ​ໝາກ​ຜົນ​ອັນ​ຈົບ​ງາມ.

(ພາບ ແລະ ຂ່າວ: ນາງ ປາ​ກາ​ລັກ ພົມ​ມີ​ໄຊ)