(ສພຊ) ໃນວັນທີ 23 ມິຖຸນາຜ່ານມາ, ຄະນະມິດຕະພາບລັດຖະສະພາ ສະພາແຫ່ງຊາດລາວ ແລະ ລັດຖະສະພາ ແຫ່ງ ສະຫະຣາຊະອານາຈັກອັງກິດ ໄດ້ຈັດກອງປະຊຸມປຶກສາຫາລືແຜນການເຄື່ອນໄຫວຂອງຄະນະມິດຕະພາບລັດຖະສະພາ ຕົນ ໂດຍການເປັນປະທານຂອງທ່ານ ຮສ. ປອ. ລິນຄຳ ດວງສະຫວັນ ກຳມະການຄະນະປະຈຳສະພາແຫ່ງຊາດ, ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ, ປະທານຄະນະມິດຕະພາບລັດຖະສະພາ ສະພາແຫ່ງຊາດລາວ ແລະ ຄະນະລັດຖະສະພາ ແຫ່ງ ສະຫະຣາຊະອານາຈັກອັງກິດ ໂດຍມີທ່ານຮອງປະທານ ແລະ ບັນດາທ່ານສະມາຊິກສະພາແຫ່ງຊາດປະຈຳເຂດເລືອກຕັ້ງ ທີ່ເປັນຄະນະມິດຕະພາບລັດຖະສະພາ ສະພາແຫ່ງຊາດລາວ ແລະ ລັດຖະສະພາ ແຫ່ງ ສະຫະຣາຊະອາຈັກອັງກິດ ພ້ອມດ້ວຍພະນັກງານ ກອງເລຂາຊ່ວຍວຽກ ເຂົ້າຮ່ວມ. ກອງປະຊຸມໄດ້ປຶກສາຫາລື ກ່ຽວກັບແຜນການເຄື່ອນໄຫວວຽກງານປະຈຳປີ ຂອງຄະນະ ເພື່ອເປັນບ່ອນອີງໃນການຈັດຕັ້ງປະຕິບັດ ຕາມພາລະບົດບາດຂອງຕົນ.
ປຶກສາຫາລື ກ່ຽວກັບແຜນການເຄື່ອນໄຫວວຽກງານປະຈຳປີ ຂອງຄະນະມິດຕະພາບລັດຖະສະພາ ສະພາແຫ່ງຊາດລາວ ແລະ ລັດຖະສະພາ ແຫ່ງ ສະຫະຣາຊະອານາຈັກອັງກິດ
