(ສພຊ) ວັນທີ 24 ມິຖຸນາ 2022 ຄະນະມິດຕະພາບລັດຖະສະພາລະຫວ່າງສະພາແຫ່ງຊາດລາວ ແລະ ສະພາແຫ່ງຊາດ ແຫ່ງ ສ.ເກົາຫລີ ໄດ້ຈັດກອງປະຊຸມເພື່ອປຶກສາຫາລືແຜນການເຄື່ອນໄຫວຂອງຄະນະມິດຕະພາບລັດຖະສະພາຂອງຕົນ ໂດຍການເປັນປະທານຂອງທ່ານ ຮສ. ປອ. ລິນຄຳ ດວງສະຫວັນ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ທັງເປັນປະທານຄະນະມິດຕະພາບລັດຖະສະພາລະຫວ່າງສະພາແຫ່ງຊາດລາວ ແລະ ສະພາແຫ່ງຊາດ ແຫ່ງ ສ. ເກົາຫລີ; ມີບັນດາທ່ານສະມາຊິກສະພາແຫ່ງຊາດ ທີ່ເປັນຄະນະມິດຕະພາບດັ່ງກ່າວເຂົ້າຮ່ວມ.
ໂອກາດດັ່ງກ່າວ ຜູ້ເຂົ້າຮ່ວມກອງປະຊຸມ ໄດ້ແລກປ່ຽນຄຳຄິດຄຳເຫັນ, ປຶກສາຫາລື ກ່ຽວກັບແຜນການເຄື່ອນໄຫວວຽກງານປະຈຳປີ ຂອງຄະນະມິດຕະພາບດັ່ງກ່າວ ຢ່າງກົງໄປກົງມາ ແລະ ມີລັກສະນະສ້າງສັນ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານ ຕາມພາລະບົດບາດຂອງຕົນໃນຕໍ່ໜ້າ ໃຫ້ມີຄວາມສະດວກຍິ່ງຂຶ້ນ.
