ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

ວັນທີ 11 ກໍລະກົດຜ່ານມາ, ທີ່ຫ້ອງປະຊຸມ ຊັ້ນ 5 ສະພາແຫ່ງຊາດ ນະຄອນຫຼວງວຽງຈັນ ໄດ້ມີການຈັດກອງປະຊຸມປຶກສາຫາລືກະ ກຽມຄວາມພ້ອມໃນການຈັດສຳມະນາ ພາຍໃຕ້ຫົວຂໍ້ ຍຸກສູງບົດບາດ ແລະ ການເຄື່ອນໄຫວຂອງສະພາແຫ່ງຊາດ ສົມທົບກັບການເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ IX ໃນກຳລັງຄວາມສະຫງົບ ແລະ ປ້ອງກັນຊາດ ຂັ້ນສູນກາງ ໂດຍການເປັນປະທານຂອງທ່ານ ພົຕ. ປອ. ວົງສັກ ພັນທະວົງ ກຳມະການຄະນະປະຈຳ, ປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ເຂົ້າຮ່ວມມີຮອງປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ, ຫົວໜ້າຫ້ອງວ່າການກະຊວງປ້ອງກັນປະເທດ; ຮອງຫົວໜ້າກົມໃຫຍ່ສັນຕິບານ; ພະນັກງານ-ວິຊາການ ທີ່ກ່ຽວຂ້ອງເຂົ້າຮ່ວມ.