ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

(ສພຊ) ເພື່ອຮັບປະກັນໃຫ້ແກ່ການຢ້ຽມຢາມ ສປປລາວ ຢ່າງເປັນທາງການຂອງຄະນະຜູ້ແທນຂັ້ນສູງຂອງສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ນໍາໂດຍສົມເດັດ ອັກຄະມະຫາ ໂປເຢຍ ຈັກກຼີ ເຮັງ ຊຳຣິນ ປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍພັນລະຍາ ແລະ ຄະນະ ໃນລະຫວ່າງວັນທີ 14-16 ກັນຍາທີ່ຈະມາເຖິງນີ້ ໃຫ້ມີຜົນສຳເລັດຢ່າງຈົບງາມ ໂດຍສະເພາະແມ່ນການຕ້ອນຮັບພັນລະຍາຂອງປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍຄະນະ.
ໃນວັນທີ 6 ມິຖຸນາ 2022 ທີ່ສະພາແຫ່ງຊາດ, ຄະນະກອງທຶນຊ່ວຍເຫຼືອສັງຄົມຂອງສະພາແຫ່ງຊາດ ຈຶ່ງໄດ້ດຳເນີນກອງປະຊຸມປຶກສາຫາລື ແລະ ກະກຽມການຕ້ອນຮັບຄະນະພັນລະຍາ ຂອງປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ຢ່າງເປັນທາງການ ໂດຍການເປັນປະທານຂອງທ່ານ ດຣ. ນາງ ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມຂອງສະພາແຫ່ງຊາດ, ມີບັນດາທ່ານຮອງປະທານ, ກຳມະການ, ຜູ້ຊ່ວຍວຽກໃນຄະນະກອງທຶນດັ່ງກ່າວເຂົ້າຮ່ວມ.
(ພາບ ແລະ ຂ່າວ: ນາງ ປາກາລັກ ພົມມີໄຊ)