ສະພາແຫ່ງຊາດ ແຫ່ງ ສປປ ລາວ

The National Assembly of the LAO PDR

 ທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດ ພ້ອມດ້ວຍຄະນະໄດ້ລົງຕິດຕາມຊຸກຍຸ້ເຂດພັດທະນາຈຸດສຸມ ນາໄຮ່ໃຫ່ຍ ບ້ານຄໍ້ ເມືອງຈຳພອນ ແຂວງສະຫວັນນະເຂດ, ໃນວັນທີ 08 ມັງກອນ 2022 ນີ້. ໂດຍມີທ່ານ ວຽງທະວິສອນ ເທບພະຈັນ ກຳມະການສຳຮອງສູນກາງພັກ ຮອງເຈົ້າແຂວງ, ທ່ານ ກົງແກ້ວ ມີວໍລະຈັກ ຮອງເລຂາພັກແຂວງ ປະທານສະພາປະຊາຊົນແຂວງ,ສຈ ປອ. ອ໊ອດ ພົງສະຫວັນ ຮອງປະທານ ສູນກາງແນວລາວສ້າງຊາດ ບໍປະຈຳການ ມີພະນັກງານຫຼັກແຫຼ່ງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໂອກາດດັ່ງກ່າວ, ທ່ານ ກຳມະການພັກແຂວງ ເລຂາພັກເມືອງ ເຈົ້າເມືອງ ເມືອງຈຳພອນ ທ່ານ ຄຳລຸຍ ຍາດຕິວົງ ໄດ້ລາຍງານສະພາບການພັດທະນາເສດຖະກິດ ສັງຄົມຂອງເມືອງໂດຍສັງເຂບ.