(ສປນວ) ວັນທີ 19 ຕຸລາ 2022 ທ່ານ ພົຕ ປອ ວົງສັກ ພັນທະວົງ ປະທານ ກຳມາທິການປ້ອງກັນຊາດ-ປ້ອງກັນຄວາມສະຫງົບ ສພຊ ແລະ ທ່ານ ບຸນທາມ​ ພຸດທະວົງສາ​ ຮອງປະທານ ສະພາປະຊາຊົນ​ ນວ​ ແລະ ທ່ານ ນາງສົມພຽນ​ ວົງໄຊ​ ປະທານ ຄະນະກຳມະການຍຸຕິທຳ ແລະ ປກຊ-ປກສ ສະພາປະຊາຊົນ ນວ ພ້ອມດ້ວຍຄະນະ ໄດ້ສືບຕໍ່ຕິດຕາມກວດກາຂົງ ເຂດ ປກຊ ຢູ່ກອງບັນຊາການທະຫານ ນວ ໂດຍການຕ້ອນຮັບຂອງ ທ່ານ ພົຈວ ໄພວັນ ຈັນທະພົມມາ ຫົວໜ້າການເມືອງ ກອງບັນຊາການທະຫານ ນວ ແລະ ມີບັນດາທ່ານ ນາຍ ແລະ ພົນທະຫານ ເຂົ້າຮ່ວມ.

ເນື້ອໃນການລົງເຄື່ອນໄຫວວຽກງານຄັ້ງນີ້, ຈຸດປະສົງເພື່ອເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ແລະ ສະພາປະຊາຊົນ ນວ; ພາລະບົດບາດ, ສິດ, ໜ້າທີ່, ການຈັດຕັ້ງ, ການ​ເຄື່ອນ​ໄຫວຂອງສະພາແຫ່ງຊາດ, ກຳມາ​ທິການ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ພາລະບົດບາດ, ສິດ ແລະ ໜ້າທີ່ ຂອງສະພາປະຊາຊົນ ນວ ແລະ ການປະຕິບັດນະໂຍບາຍຕໍ່ພະນັກງານ-ນັກຮົບ ໃນກຳລັງ​ປ້ອງ​ກັນຊາ​ດ-ປ້ອງກັນ​ຄວາມ​ສະຫງົບ ທີ່ປະຕິບັດໜ້າທີ່ຢູ່ສະພາແຫ່ງຊາດ ແລະ ສະພາປະຊາຊົນ ນວ, ກຳລັງປ້ອງກັນຊາດ-ປ້ອງກັນຄວາມສະຫງົບ ຢູ່ບັນດາວິທະຍາຄານ, ໂຮງຮຽນ ແລະ ກົມກອງທີ່ຂຶ້ນກັບກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ພ້ອມທັງລົງເຄື່ອນໄຫວຕິດຕາມກວດກາ ແລະ ຢ້ຽມ ຢາມກອງຮ້ອຍທະຫານຊາຍແດນ 242 ແລະ ປະຊາຊົນ ຢູ່ບ້ານດອນຊິງຊູ້ ເມືອງສີໂຄດຕະບອງ ນວ ແລະ ມອບວັດຖຸປັດ ໃຈຊ່ວຍເຫຼືອ ຈຳນວນໜຶ່ງໃຫ້ແກ່ກອງຮ້ອຍ. ( ນາງ ໂຮງທ່າວ ຊົງເຢີ )